अवघं मालवणही आज १०० सेकंदासाठी स्तब्ध होणार
लोकराजा शाहू महाराजांना नगरपालिकेच्या वतीने अनोखी श्रद्धांजली
कुणाल मांजरेकर
मालवण : लोकराजा राजर्षी छत्रपती शाहू महाराज यांची १०० वी पुण्यतिथी शुक्रवारी साजरी होत आहे. त्या निर्मित्ताने हे वर्ष कृतज्ञता पर्व म्हणून साजरे करण्यात येणार आहे. या निमित्त शुक्रवारी ६ मे रोजी मालवण शहरही १०० सेकंद स्तब्ध होणार आहे. आपण ज्या ठिकाणी असू त्या ठिकाणी सकाळी १० वाजता १०० सेकंद स्तब्धता पाळून लोकराजा राजर्षी शाहू महाराजांना आपण सर्वांनी आदरांजली अर्पण करुया. याकरिता मालवण नगरपरिषद कार्यालयाकडून शुक्रवारी रोजी सकाळी ठिक १० वाजता एकदा भोंगा वाजविणेत येईल. त्यावेळी सर्व नागरीकांना १०० सेकंद स्तब्ध राहावयाचे आहे. त्यानंतर १०० सेकंदानंतर पुन्हा दोन वेळा भोंगा वाजविणेत येईल. अशा अनोख्या पद्धतीने लोकराजा राजर्षी शाहू महाराज यांना आदरांजली वाहूया, असे जाहीर आवाहन नगरपरीषदेच्या वतीने मुख्याधिकारी संतोष जिर्गे यांनी केले आहे.
