कुंभारमाठ येथील रेकॉर्ड डान्स स्पर्धेत सोहम, स्वरांगी प्रथम
संजय लुडबे मित्रमंडळाचे आयोजन ; दत्ता सामंत यांच्या हस्ते पारितोषिक वितरण
कुणाल मांजरेकर
मालवण : सामाजिक कार्यकर्ते संजय लुडबे यांच्या संकल्पनेतून कुंभारमाठ येथील सिद्धिविनायक पटांगणावर आयोजित करण्यात आलेल्या माघी गणेश जयंतीनिमित्त घेण्यात आलेल्या रेकॉर्ड डान्स स्पर्धेत लहान गटात सोहम जांभोर तर मोठ्या गटात स्वरांगी खानोलकर यांनी प्रथम क्रमांक मिळवला. विजेत्या स्पर्धकांना भाजप नेते दत्ता सामंत यांच्या हस्ते गौरविण्यात आले.
कै. बाबू लुडबे यांच्या स्मरणार्थ ही स्पर्धा घेण्यात आली. या स्पर्धेत लहान गटात दिया लुडबे आणि रेवा जोशी यांनी अनुक्रमे द्वितीय आणि तृतीय क्रमांक मिळवला. तर मोठ्या गटात समर्थ गवंडे आणि भक्ती जामसंडेकर यांनी अनुक्रमे द्वितीय आणि तृतीय क्रमांक मिळवला. लहान गटातील पहिल्या तीन क्रमांकाना अनुक्रमे ५०००/-, ३०००/-, २०००/- रुपये आणि मोठ्या गटातील प्रथम तीन क्रमांकाना अनुक्रमे ७०००/-, ५०००/-, ३०००/- रुपयांचे पारितोषिक देण्यात आले.
पारितोषिक वितरण प्रसंगी संजय लुडबे, सौ. संजीवनी लुडबे, मंदार लुडबे, सुभाष लुडबे, भाई मांजरेकर, शैलेश लुडबे, संदीप लुडबे, किशोर चव्हाण, समिर चव्हाण, जगदिश हडकर, उदय लुडबे, अक्षय नरे, विजय तळगावकर, प्रशांत बिरमोळे, राहुल नरे, दिपु माडये, साईनाथ लोके, अनिल गांवकर, आदित्य खाजनवाडकर, प्रथमेश गोसावी, अक्षय राऊत, साहील लुडबे, राजु लुडबे, गौरव तळगावकर, भाई चव्हाण, अनिल गांवकर आदी उपस्थित होते.
