दत्ता सामंत यांनी शब्द पाळला ; देवबागातील खड्डे बुजवण्यासाठी स्वखर्चाने पाठवले साहित्य !
साहित्य उपलब्ध झाल्याने सा. बां. विभागाच्या तातडीने कामाला होणार सुरुवात
मालवण | कुणाल मांजरेकर
मालवण तालुक्यात अनेक ठिकाणी रस्त्यांची दुरवस्था झाली आहे. या पार्श्वभूमीवर देवबाग मधील खड्डेमय रस्त्याची पाहणी केल्यानंतर सदरील खड्डे बुजवण्यासाठी स्वतः साहित्य उपलब्ध करून देण्याचा शब्द भाजपा नेते दत्ता सामंत यांनी दिला होता. त्यानुसार शनिवारी दत्ता सामंत यांच्या माध्यमातून खड्डे बुजवण्यासाठी साहित्य उपलब्ध करून देण्यात आले आहे. साहित्य उपलब्ध झाल्याने सदरील खड्डे बुजवण्याचे काम सार्वजनिक बांधकाम विभागाकडून हाती घेण्यात येणार आहे.
भाजप नेते दत्ता सामंत यांनी देवबाग मधील खड्ड्यांची पाहणी केल्यानंतर सार्वजनिक विभागाच्या अधिकाऱ्यांशी चर्चा करुन खड्डे तातडीने बुजवण्याच्या सुचना देत त्यासाठी लागणारे मटेरियल स्वखर्चाने देतो सांगितले होते. देवबाग मधील ग्रामस्थांची खड्ड्यांमुळे होणारी गैरसोय दुर करा, अशी सूचना त्यांनी सा. बां. अधिकाऱ्यांना दिली होती. त्याप्रमाणे शनिवारी श्री. सामंत यांनी स्वखर्चाने मेटरियल पाठवले. यावेळी मंदार लुडबे, ग्रा. प. सदस्य नितिन बांदेकर, शक्ती केंद्रप्रमुख रामा चोपडेकर, दत्ता चोपडेकर, संकेत राऊळ प्रतिक मायबा, स्वप्नील मायबा आदी भाजप कार्यकर्ते उपस्थित होते.
