ॲड. समीर गवाणकर, विजय केनवडेकर, चंद्रशेखर कुशे, महादेव पाटकर, शैलेश पावसकर यांची नियुक्ती
मालवण : येथील कृष्णराव सीताराम देसाई शिक्षण मंडळाद्वारे चालविल्या जाणाऱ्या विविध विभागांच्या शालेय समित्यांचे अध्यक्ष आणि महाविद्यालय विकास समितीचे अध्यक्ष या पदांवर नियुक्त्या जाहिर करण्यात आल्या आहेत.
यामध्ये स. का. पाटील सिंधुदुर्ग कला, वाणिज्य आणि देशभक्त शंकरराव गवाणकर विज्ञान महाविद्यालयाच्या महाविद्यालय विकास समिती अध्यक्षपदी ॲड. समीर सुरेश गवाणकर यांची नियुक्ती करण्यात आली. तर रामभाऊ परूळेकर कनिष्ठ महाविद्यालयाच्या शालेय समिती अध्यक्षपदी विजय प्रताप केनवडेकर यांची नियुक्ती करण्यात आली. लक्ष्मीबाई टोपीवाला कन्याशाळेच्या शाळा समिती अध्यक्षपदी चंद्रशेखर रजनिकांत कुशे यांची नियुक्ती करण्यात आली. तर सुनितादेवी टोपीवाला अध्यापिका विद्यालयाच्या शाळा समिती अध्यक्षपदी महादेव सत्यवान पाटकर यांची नियुक्ती करण्यात आली. तसेच सु. टो. अध्या. विद्या. संलग्न प्राथमिक कन्याशाळा (सराव पाठशाळा) यांच्या शाळा समिती अध्यक्षपदी शैलेश सुरेश पावसकर यांची नियुक्ती करण्यात आली. सर्व विभागांच्या शालेय समित्यांच्या अध्यक्षांची निवड संस्था अध्यक्ष डॉ. किरण ठाकूर यांनी जाहिर केल्या असून या नियुक्त्या पुढील तीन वर्षांच्या कालावधीकरीता राहणार आहेत.
Subscribe to my channel
