वायरीत आधार मोबाईल लिंक शिबिराला उत्स्फूर्त प्रतिसाद
शिवसेनेच्या माजी नगरसेवकांचा उपक्रम ; तृप्ती मयेकर, सेजल परब, पंकज सादये यांचा पुढाकार
कुणाल मांजरेकर
मालवण : शिवसेनेच्या माजी नगरसेविका तृप्ती मयेकर यांच्या संकल्पनेतून तसेच माजी नगरसेविका सेजल परब आणि माजी नगरसेवक पंकज सादये यांच्या सहकार्याने वायरी येथील सौ. मयेकर यांच्या शांताराम निवासस्थानी आयोजित मोबाईल नंबर आधार कार्डला लिंक करण्याच्या शिबिरास नागरिकांचा उत्स्फूर्त प्रतिसाद मिळाला. या शिबिरात ७५ ते ८० नागरिकांनी सहभाग घेतला.
यावेळी नागरिकांनी आधार कार्डला मोबाईल नंबर लिंक करून घेतला. त्याचप्रमाणे काहींना जुना मोबाईल नंबर बदलून नवीन नंबर अपडेट करून देण्यात आला. ज्या नागरिकांना आपल्या घरातून बाहेर पडता येत नाही, अश्या नागरिकांना घरी जाऊन त्याचा मोबाईल नंबर लिंक करून देण्यात आला. हे शिबीर यशस्वी करण्यासाठी पोस्ट कर्मचारी अमोल माळकर (बागायत पोस्ट), कु. प्राची माळकर (देवबाग पोस्ट) आणि विजय तारी (वायरी पोस्ट) यांनी सहकार्य केले. याबद्दल त्यांचेही आभार मानण्यात आले.
