माजी आमदार वैभव नाईक यांचा आमदार निलेश राणेंना टोला
कुडाळ : कुडाळ एमआयडीसीच्या विकासावरून माजी आमदार वैभव नाईक यांनी आमदार निलेश राणे यांच्यावर जोरदार निशाणा साधला आहे. नारायण राणे यांनी अनेक महत्त्वाची मंत्रिपदे भूषवूनही कुडाळ एमआयडीसीमध्ये अपेक्षित उद्योग आणले नाहीत, हे निलेश राणेंच्या २१ व्या शतकातील एमआयडीसीच्या वक्तव्यावरून स्पष्ट होत असल्याची टीका त्यांनी केली.
राणेंच्या कंपन्यांनी सिंधुदुर्ग जिल्ह्यातील एमआयडीसीमध्ये सुमारे ४० एकर जागा घेतली असून, त्या ठिकाणी अद्याप रोजगारनिर्मिती करणारे उद्योग सुरू झालेले नाहीत. त्यामुळे आधी या जागांवर उद्योग सुरू करा आणि त्यानंतरच नव्या एमआयडीसीच्या घोषणा करा, असा टोला नाईक यांनी लगावला. तसेच एमआयडीसीतील ३० कोटींच्या रस्त्याच्या कामात निलेश राणेंचे कमिशन किती, असा सवालही त्यांनी उपस्थित केला.
आपल्या आमदारकीच्या काळात बजाज राईस मिल, गोदरेज, काजू प्रक्रिया उद्योग, काथ्या उद्योग, वॉटर बॉटल कंपन्या आणि मत्स्यजाळी निर्मिती उद्योग कुडाळ एमआयडीसीमध्ये सुरू केल्याचा दावा नाईक यांनी केला. मात्र, महायुती सरकारच्या काळात राजकीय हस्तक्षेप वाढल्याने स्थानिक उद्योजकांना जागा आणि सुविधा मिळण्यात अडचणी येत असल्याचा आरोपही त्यांनी केला.
Subscribe to my channel
