माजी सभापती सुनील घाडीगांवकर यांच्या पाठपुराव्यातून समस्या मार्गी ; आ. निलेश राणे यांच्या माध्यमातून नवा साकवही मंजूर ; पावसाल्यानंतर काम लवकरच पुर्ण होणार
मालवण : शिरवंडे दिपमाळवाडी येथील साकव कोसळल्यामुळे ग्रामस्थांची मोठी गैरसोय होत होती. ही बाब लक्षात घेता आमदार निलेश राणे यांनी याठिकाणी नवीन साकव मंजूर केला. मात्र नवा साकव पुर्ण होईपर्यंत आता पावसाळ्यात येथील शेकडो ग्रामस्थ, विद्यार्थी यांची गैरसोय होऊ नये यासाठी आमदार निलेश राणे यांच्या माध्यमातून शिवसेना जिल्हाप्रमुख दत्ता सामंत यांनी स्वखर्चातून याठिकाणी पर्यायी मार्ग निर्माण केला आहे. माजी सभापती सुनील घाडीगांवकर यांच्या पाठपुराव्यातून येथील ग्रामस्थांची समस्या मार्गी लागली आहे. लवकरच आमदार निलेश राणे यांच्या माध्यमातून मंजूर नवीन साकव कामही पुर्ण होणार आहे.
आमच्या मागणीची दखल घेऊन आमची समस्या मार्गी लावली. असे सांगत ग्रामस्थांनी आमदार निलेश राणे, शिवसेना जिल्हाप्रमुख दत्ता सामंत, माजी सभापती सुनील घाडीगावकर यांचे आभार मानले. आमदार निलेश राणे सांगतात त्याप्रमाणे जिल्हाप्रमुख दत्ता सामंत यांचे काम म्हणजे तात्काळ रिझल्ट. जे जनतेच्या हिताचे आहे त्याला शिवसेनेच्या माध्यमातून तात्काळ प्राधान्य दिले जाते. हेच या निमित्ताने पुन्हा एकदा दिसून आले.
Subscribe to my channel
