कुडाळ : कुडाळ पोलीस ठाण्याच्या हद्दीत एका १५ वर्षीय अल्पवयीन मुलाने राहत्या घरी आत्महत्या केल्याची दुर्दैवी घटना उघडकीस आली आहे. युवराज विजय परब (वय १५ वर्षे ९ महिने) असे मृत मुलाचे नाव असून, या घटनेने परब कुटुंबावर दुःखाचा डोंगर कोसळला आहे.
प्राथमिक माहितीनुसार, युवराज याने वडिलांकडे नवीन गाडीची मागणी केली होती. मात्र, वडिलांनी गाडी घेऊन न दिल्याने आलेल्या रागातून त्याने टोकाचे पाऊल उचलल्याचे सांगण्यात येत आहे.२९ ऑक्टोबर २०२६ रोजी रात्री १०.३० ते ११.३० च्या दरम्यान ही घटना घडली. याप्रकरणी ३० ऑक्टोबर रोजी पहाटे १.१९ वाजता कुडाळ पोलीस ठाण्यात आकस्मिक मृत्यूची नोंद करण्यात आली आहे.
या घटनेची माहिती युवराजचे वडील विजय विद्याधर परब यांनी पोलिसांना दिली. पुढील तपास कुडाळ पोलीस ठाण्याचे पोलीस हवालदार भोई करीत आहेत. अवघ्या १५ व्या वर्षी एका मुलाचे आयुष्य संपल्याने परिसरात हळहळ व्यक्त होत असून, या घटनेने पुन्हा एकदा अल्पवयीन मुलांचे भावविश्व, भावनिक समजूतदारपणा आणि पालक-मुलांमधील संवादाचे महत्त्व अधोरेखित केले आहे.
Subscribe to my channel
