मालवण : हिंदु जनजागृती समितीच्या वतीने शुक्रवारी रेवतळे येथे राष्ट्रभक्त अधिवक्ता संवाद कार्यक्रम संपन्न झाला. राष्ट्र व धर्मकार्यात अधिवक्त्यांचे योगदान या विषयावर आयोजित या संवाद कार्यक्रमाला अधिवक्ता व राष्ट्रहिताची भावना असलेल्या नागरिकांचा उत्स्फूर्त प्रतिसाद लाभला.
कार्यक्रमात प्रमुख वक्ते म्हणून रमेश शिंदे यांनी मार्गदर्शन केले. त्यांनी राष्ट्र व धर्मरक्षणाच्या कार्यात अधिवक्त्यांची भूमिका, कायदेशीर लढ्यांचे महत्त्व, तसेच सामाजिक व राष्ट्रीय प्रश्नांवर जागरूक सहभागाची आवश्यकता याविषयी उपस्थितांना सविस्तर माहिती दिली. हा कार्यक्रम हॉटेल विसावा, रेवतळे येथे पार पडला. उपस्थितांनी विविध विषयांवर संवाद साधत राष्ट्रहिताच्या कार्यात अधिक सक्रिय योगदान देण्याचा निर्धार व्यक्त केला. कार्यक्रमाचे यशस्वी आयोजन केल्याबद्दल आयोजकांचे कौतुक करण्यात आले.
Subscribe to my channel
