“एमसीइडी” च्या वतीने १० मार्च पासून ऑनलाईन गाय म्हैस पालन व दुग्ध प्रक्रिया प्रशिक्षण
कुणाल मांजरेकर
सिंधुदुर्ग : राज्यातील शेतकरी बांधवांना गाय – म्हैस पालनाचा व्यवसाय करायचा आहे आणि ज्या सुशिक्षित बेरोजगार युवक-युवती , महिलांना दूध प्रक्रिया उद्योग सुरु करावयाचे आहे, अशा सर्व वर्गासाठी महाराष्ट्र उद्योजकता विकास केंद्राच्या वतीने (एम.सी.इ.डी) १० मार्च पासून ७ दिवसांचा ऑनलाईन उद्योजकतेवर आधारित गाय- म्हैस पालन व दुग्ध प्रक्रिया प्रशिक्षण कार्यक्रम आयोजित करण्यात आला आहे, अशी माहिती महाराष्ट्र उद्योजकता विकास केंद्राचे जिल्हा प्रकल्प समन्वयक धम्मपाल थोरात यांनी दिली आहे. यापूर्वी हा प्रशिक्षण कार्यक्रम १ ते ७ मार्च या कालावधीत आयोजित करण्यात आला होता. मात्र काही तांत्रिक कारणामुळे हा कार्यक्रम पुढे ढकलण्यात आला आहे.
कोरोना संसर्गजन्य रोगामुळे बेरोजगारी मोट्या प्रमाणावर वाढत आहे. नोकरी व्यतिरिक्त उद्योग- व्यवसायाकडे वळण्याची मानसिकता आता शहरी भागापासून ग्रामीण भागातील बेरोजगारी मध्ये निर्माण झाली आहे. स्वतःचा व्यवसाय- उद्योग सुरु करता यावा म्हणून हे घरबसल्या ऑनलाईन प्रशिक्षणाचे आयोजन केले आहे. उद्योजकतेवर आधारित गाय – म्हैस पालन व दुग्ध प्रक्रिया व्यवसायाच्या या प्रशिक्षणात दुग्ध व्यवसायातील संधी दूध व दुधाचे संकलन, साठवणूक, दुधावर आधारित दुग्ध प्रक्रियेतील संधी तसेच गाय-म्हैस पालन मधील विविध जाती, निवड, आहार, आयोग्य, निवारा, संवर्धन आदींवर तज्ञांमार्फत ऑनलाईन ७ दिवस रोज ३ तास या प्रशिक्षणात मार्गदर्शन करण्यात येणार आहे. किमान ७ वी पास, अथवा शेतकरी तसेच सुशिक्षित बेरोजगार – युवक, युवती, महिला या प्रशिक्षण घरबसल्या तज्ञांच्या मार्गदर्शनाचा लाभ घेऊ शकतात. या प्रशिक्षण कार्यक्रमाचे प्रशिक्षण शुल्क २३६०/-रु.असून https://mced.co.in/Training_Details/?id=1491 किंवा www.mced.co.in या लिंकवर ऑनलाईन फी भरू शकतात.
हा प्रशिक्षण कार्यक्रम १ मार्च रोजी आयोजित करण्यात आला होता. परंतु काही तांत्रिक कारणांमुळे हा नियोजित कार्यकम १० मार्च २०२२ पासून सुरू करण्यात येणार आहे. याचे ऑनलाईन प्रवेश अर्ज ९ मार्च २०२२ रात्री ११.५९ वाजेपर्यंत सुरू राहतील. सदरील सात दिवसीय प्रशिक्षण कार्यक्रमाचे वेळापत्रक लवकरच जाहीर करण्यात येणार आहे. प्रवेश अर्ज भरलेल्या सर्व इच्छूकांना वेळोवेळी प्रशिक्षण सुरु होण्याबाबत माहीती व्हाट्सएपच्या मार्फत कळवण्यात येणार आहे. तरी या प्रशिक्षण कार्यक्रमात सहभागी होण्यासाठी किंवा अधिक माहितीसाठी 9820052989 किंवा 8669054078 या मोबाईल क्रमांकावर संपर्क साधावा, असे आवाहन धम्मपाल थोरात, जिल्हा प्रकल्प समन्वयक, अभिजित पेडणेकर, कार्यक्रम आयोजक, महाराष्ट्र उद्योजकता विकास केंद्र यांच्यावतीने करण्यात आले आहे.
