मालवण शहरात उद्या आ. निलेश राणेंच्या हस्ते सुमारे १३ कोटींच्या विकास कामांची भूमिपूजने

नगराध्यक्षा ममता वराडकर यांची माहिती : नागरिकांनी उपस्थित राहण्याचे आवाहन

मालवण : आमदार निलेश राणे यांच्या प्रयत्नातून मालवण शहरात राज्य शासनाच्या माध्यमातून कोट्यावधीची विविध विकास कामे मंजूर झाली आहेत. यातील सुमारे १३ कोटींच्या विकास कामांचा भूमिपूजन सोहळा गुरुवार दि. १८ जून रोजी सकाळी ९.३० वा. आमदार निलेश राणे यांच्या हस्ते संपन्न होणार आहे, अशी माहिती नगराध्यक्षा सौ. ममता वराडकर यांनी दिली.

यामध्ये रॉक गार्डन सुशोभीकरण भूमिपूजन करणे, गवंडीवाडा येथे नमो उद्यान सुशोभीकरण व मामा वरेरकर नाट्यगृह सुशोभीकरण भूमिपूजन करणे या कामांचा समावेश आहे. तरी या कार्यक्रमाना शहर वासियांनी उपस्थित रहावे, असे आवाहन नगराध्यक्ष वराडकर यांनी केले आहे.

Views: 194

Related Posts

error: Content is protected !!