युवासेना जिल्हाप्रमुख संग्राम साळसकर, तालुकाप्रमुख अभि लाड यांच्यासह पदाधिकारी, कार्यकर्त्यांची उपस्थिती
मालवण : मालवण येथील बीएसएनएल सेवेत अनेक समस्या असून युवासेना पदाधिकाऱ्यांनी येथील बीएसएनएल कार्यालयाला भेट देऊन बंद स्थितीतील टॉवर तसेच रेंज समस्या याबाबत अधिकाऱ्यांशी चर्चा केली. ज्या ठिकाणी समस्या आहेत, त्या दूर करा. टॉवर सुस्थितीत करून सेवा सुरळीत करा अशी भुमिका यावेळी मांडण्यात आली.
सावंतवाडी येथील बीएसएनएल वरिष्ठ अधिकाऱ्यांशीही यावेळी दूरध्वनीवरून चर्चा करण्यात आली. यावेळी युवासेना जिल्हाप्रमुख संग्राम साळसकर, युवासेना तालुकाप्रमुख अभी लाड, वेरळ सरपंच धनंजय परब, महान सरपंच अक्षय तावडे, भाऊ राऊत, योगेश परब, उमेश सावंत आदी युवासेना पदाधिकारी उपस्थित होते. खासदार नारायण राणे, पालकमंत्री नितेश राणे, आमदार निलेश राणे, शिवसेना जिल्हाप्रमुख दत्ता सामंत यांच्या मार्गदर्शनात काम करत असताना त्यांच्या शिकवणीप्रमाणे जनतेचे प्रश्न जाणून ते सोडवून देणे हे पाहिले कर्तव्य असले पाहिजे. त्यानुसार काम करत असताना बीएसएनएल सेवेबाबत नागरिकांचे प्रश्न, समस्या युवासेना पदाधिकाऱ्यांनी बीएसएनएल अधिकाऱ्यांना सांगितल्या. खासदार नारायण राणे, आमदार निलेश राणे यांच्या माध्यमातून अनेक टॉवर मंजूर झाले. या माध्यमातून जनतेपर्यत सेवा देण्याचा त्यांचा प्रयत्न असताना काही ठिकाणी समस्या निर्माण झाल्या असतील तर त्या दुरुस्त करून सोडवल्या जाव्यात याबाबत लक्ष वेधण्यात आले. दरम्यान ज्या ठिकाणी समस्या असतील त्या लवकरात लवकर दूर केल्या जातील असे अधिकाऱ्यांनी सांगितल्याची माहिती संग्राम साळसकर यांनी दिली.
Subscribe to my channel
