कॅनरा रोबेको म्युच्युअल फंड असेट मॅनेजमेंट कंपनीचा उपक्रम
मालवण : कॅनरा रोबेको म्युच्युअल फंड असेट मॅनेजमेंट कंपनी यांच्या मार्फत वराड येथील सौ. हिराबाई भास्कर वरसकर विद्यामंदिर व कला वाणिज्य कनिष्ठ महाविद्यालयातील विद्यार्थ्यांसाठी ५० सायकली उपलब्ध झाल्या असून या सायकलींचा वितरण सोहळा शालेय समिती चेअरमन देवेन ढोलम यांच्या अध्यक्षतेखाली संपन्न झाला.
या कार्यक्रमासाठी विशेष अतिथी म्हणून कंपनीचे आयटी हेड दीपेश गोसावी, सुरेश साळगावकर, स्नेहल मातोंडकर (ऑपरेशन इन्चार्ज गोवा ब्रांच), अमोल गोसावी तसेच प्रमुख उपस्थिती म्हणून वराड सरपंच सौ.शलाका रावले, उपसरपंच गोपाळ परब, नारायण बाक्रे, समीर सरपंच, शालेय समिती सदस्य विनोद आळवे, वसंत वराडकर, प्रदीप मिठबावकर उपस्थित होते. उपस्थित मान्यवरांचा शाल, श्रीफळ, पुष्पगुच्छ देऊन सत्कार करण्यात आला.
मान्यवरांनी आपल्या भाषणातून मिळालेल्या सायकलचा वापर विद्यार्थ्यांनी जपून करावा.आणि आपली शैक्षणिक प्रगती करावी, अशी अपेक्षा व्यक्त केली. विद्यार्थ्यांनी चांगला अभ्यास करून नावलौकिक करावा. यापुढेही या संस्थेचे सहकार्य आपल्या शाळेला लाभेल असा विश्वास दिला
यावेळी मोठ्या संख्येने विद्यार्थ्यांचे पालक, हितचिंतक, प्रशालेच्या मुख्याध्यापिका, सर्व शिक्षक बंधू भगिनी, शिक्षकेतर बांधव व विद्यार्थी उपस्थित होते. या सहकार्याबद्दल वराड ग्रामस्थ संघ मुंबईचे अध्यक्षअरुण गावडे, सचिव प्रदीप म्हाडगुत, सर्व पदाधिकारी, शालेय समिती पदाधिकारी, मुख्याध्यापिका सौ. मयेकर मॅडम, सर्व शिक्षक बंधू भगिनी, पालक, हितचिंतक शिक्षकेतर बांधव व विद्यार्थी यांच्या वतीने कॅनरा रोबेको म्युच्युअल फंड असेट मॅनेजमेंट कंपनीचे आभार मानण्यात आले.
Subscribe to my channel
