कुडाळच्या सिंधुदुर्ग राजाच्या दर्शनासाठी भक्तांची अलोट गर्दी; राणे कुटुंबीयांच्या उपस्थितीत भक्तिमय वातावरण
कुडाळ : कुडाळ येथे विराजमान झालेल्या सिंधुदुर्ग राजाचे माजी मुख्यमंत्री तथा खासदार नारायण राणे, सौ. नीलमताई राणे आणि आमदार निलेश राणे यांनी रविवारी दर्शन घेतले. यावेळी त्यांच्या हस्ते श्रींची महाआरती करण्यात आली. राणे कुटुंबीयांच्या उपस्थितीने गणेशभक्तांमध्ये उत्साहाचे वातावरण निर्माण झाले.
कुडाळ येथे राणे कुटुंबीयांच्या वतीने गेल्या १७ वर्षांपासून ‘सिंधुदुर्ग राजा’ सार्वजनिक गणेशोत्सव मोठ्या भक्तिभावाने साजरा केला जात आहे. यंदाही गणरायाच्या दर्शनासाठी कुडाळसह जिल्ह्याच्या विविध भागांतून भाविकांची मोठी गर्दी होत असून, परिसरात भक्तिमय वातावरण पाहायला मिळत आहे. रविवारी खासदार नारायण राणे, सौ. नीलमताई राणे आणि आमदार निलेश राणे यांनी सिंधुदुर्ग राजाचे दर्शन घेतले. यावेळी श्रींची विधिवत महाआरती त्यांच्या हस्ते पार पडली. गणरायाच्या चरणी प्रार्थना करत राणे कुटुंबीयांनी जिल्ह्याच्या विकासासाठी तसेच नागरिकांच्या सुख-समृद्धीसाठी आशीर्वाद मागितला.
यावेळी माजी जिल्हा परिषद अध्यक्ष अशोक सावंत, संजय पडते, काका कुडाळकर, सौ. अस्मिता बांदेकर, जिल्हा परिषद सदस्य दीपलक्ष्मी पडते, दीपक नारकर, रूपेश कानडे, मोहन सावंत, उपजिल्हाप्रमुख आनंद शिरवलकर, अरविंद करलकर, तालुकाप्रमुख विनायक राणे, शहरप्रमुख अभिषेक गावडे, नगराध्यक्ष प्राजक्ता बांदेकर, नगरसेवक विलास कुडाळकर, राजीव कुडाळकर, पप्या तवटे, रचना नेरुरकर, भाजप शहराध्यक्ष सुनील बांदेकर, पंचायत समिती सदस्य निखिल कांदळगावकर आदी उपस्थित होते.
Subscribe to my channel
