डॉ. स्मिता जाधव आणि कौस्तुभ गावडे यांच्या विजयासाठी राधानगरीत शाळा-महाविद्यालयांचा झंझावाती दौरा
राधानगरी : पुणे पदवीधर व शिक्षक मतदारसंघाच्या निवडणुकीत महायुतीचे उमेदवार डॉ. स्मिता जाधव (पदवीधर) आणि कौस्तुभ गावडे (शिक्षक) यांच्या विजयासाठी आमदार प्रमोद जठार यांनी राधानगरी तालुक्यात प्रचाराचा जोर वाढवला आहे. शाळा-महाविद्यालयांना भेटी देत शिक्षक, प्राध्यापक आणि शिक्षण क्षेत्रातील विविध घटकांशी त्यांनी थेट संवाद साधला.
या दौऱ्यात जागृती हायस्कूल, राधानगरी विद्यालय व उच्च माध्यमिक विद्यालय, श्री यशवंतराव पाटील माध्यमिक विद्यालय व ज्युनिअर कॉलेज, सोळांकुर, आनंद गुरुकुल इंग्लिश मीडियम हायस्कूल, सरवडे, श्री शिवाजीराव खोराटे विद्यालय व ज्युनिअर कॉलेज, सरवडे, भागशाळा सावर्डे, किसनराव मोरे हायस्कूल व ज्युनिअर कॉलेज, सरवडे, के. पी. पाटील इन्स्टिट्यूट, आमदार श्री. नामदेवराव भोईटे माध्यमिक विद्यालय, कसबा वाळवे तसेच रघुनाथ न्यू इंग्लिश स्कूल व ज्युनिअर कॉलेज, वाळवा आदी शैक्षणिक संस्थांना त्यांनी भेटी दिल्या.
‘शिक्षक हा चाणक्य’; जठारांचे आवाहन
शिक्षकांशी संवाद साधताना आमदार प्रमोद जठार म्हणाले, “शिक्षक हा चाणक्य असतो. त्यामुळे योग्य निर्णय घेत महायुतीच्या दोन्ही उमेदवारांना आपण विजयी कराल, असा मला विश्वास आहे.” बदलत्या काळानुसार विद्यार्थ्यांना पारंपरिक शिक्षणासोबतच अत्याधुनिक आणि तंत्रज्ञानाधारित शिक्षण मिळणे आवश्यक असल्याचे मत त्यांनी व्यक्त केले. शिक्षण क्षेत्राच्या प्रगतीसाठी शिक्षकांची भूमिका महत्त्वाची असल्याचेही त्यांनी अधोरेखित केले.
शिक्षकांच्या प्रश्नांवर शासनस्तरावर पाठपुराव्याची भूमिका
या संवादादरम्यान शिक्षकांनी जुनी पेन्शन योजना पुन्हा लागू करणे, टप्पावाढीचा शासन निर्णय आगामी अधिवेशनात मांडणे आणि शिक्षकांचे विविध प्रलंबित प्रश्न सोडवणे यांसारख्या मागण्या आमदार जठार यांच्यासमोर मांडल्या. या प्रश्नांबाबत शासनस्तरावर पाठपुरावा करण्याची भूमिका त्यांनी व्यक्त केली.
पदाधिकारी-कार्यकर्त्यांची उपस्थिती
या दौऱ्यादरम्यान राधानगरी येथे राष्ट्रवादीचे ए. वाय. पाटील, स्वप्नील जरग, विलास रणदिवे, सचिन वासुदेव, प्रकाश चव्हाण, सुरज शेळके, महेश चिऊलकर, आशिष चांदम, विजय गुरव, सुनील चौगुले आणि मानसिंग पाटील यांच्यासह पदाधिकारी व कार्यकर्ते उपस्थित होते. तसेच मुदाळ तिठा येथे माजी आमदार के. पी. पाटील, सिंधुदुर्ग जिल्हा उपाध्यक्ष राजू राऊळ, पंडितराव केणे, विश्वनाथ कुंभार, गोकुळचे संचालक रणजितसिंह पाटील, मौनी विद्यापीठचे चेअरमन मधुकर देसाई, प. बा. पाटील शिक्षण संस्थेचे सचिव विकासराव पाटील, कोल्हापूर जिल्हा बाजार समितीचे चेअरमन प्रा. शेखर देसाई, गोकुळचे माजी संचालक विलासराव कांबळे, बिद्रीचे माजी संचालक सुनीलराव कांबळे, प्रा. एच. आर. पाटील, विजय कोटकर आणि प्रा. संतोष मोरे यांच्यासह पदाधिकारी व कार्यकर्ते मोठ्या संख्येने उपस्थित होते. पुणे पदवीधर व शिक्षक मतदारसंघातील महायुतीच्या उमेदवारांच्या विजयासाठी शिक्षक आणि पदवीधर मतदारांशी थेट संवाद साधत आमदार प्रमोद जठार यांनी राधानगरी तालुक्यात प्रचाराला गती दिली आहे.
Subscribe to my channel
