दीपक पाटकर, महेश कोयंडे यांनाही एबी फॉर्म सुपूर्द ; उर्वरित उमेदवारांना एबी फॉर्म देण्याची प्रक्रिया सुरु
नगराध्यक्ष पदासह नगरसेवक पदांसाठी २० उमेदवार उद्या नामनिर्देशन पत्र दाखल करणार ; आमदार निलेश राणे राहणार उपस्थित
मालवण | कुणाल मांजरेकर
मालवण नगरपालिकेत शिवसेना – भाजपमध्ये युती होण्याची शक्यता धुसर बनली आहे. शनिवारी शिवसेनेकडून माजी नगरसेविका सौ. ममता मनमोहन वराडकर यांच्या नावाची घोषणा करण्यात आली असून आमदार निलेश राणे यांच्या हस्ते सौ. वराडकर यांना पक्षाचा एबी फॉर्म देण्यात आला. त्यांच्यासह प्रभाग ३ मधून माजी नगरसेवक दीपक पाटकर व प्रभाग ९ मधून महेश कोयंडे यांना देखील एबी फॉर्म देण्यात आले. उर्वरित उमेदवारांना एबी फॉर्म वितरित करण्याची प्रक्रिया सुरु करण्यात आली आहे. शिवसेनेकडून उद्या रविवारी १६ नोव्हेंबर रोजी सकाळी ९.३० वाजता आमदार निलेश राणे यांच्या उपस्थितीत उमेदवारी अर्ज दाखल करण्यात येणार असल्याची माहिती जिल्हाप्रमुख दत्ता सामंत यांनी दिली. यावेळी शिवसेनेकडून मोठे शक्तीप्रदर्शन होण्याची शक्यता आहे.
Subscribe to my channel
