भाजप शहर मंडल तालुकाध्यक्ष बाबा मोंडकर यांची माहिती ; नवीन विद्युत मीटरसाठी आवश्यक रक्कम पालिकेकडून महावितरणकडे भरणा
मालवण : वादळी वातावरणामुळे पालिकेच्या रॉकगार्डन मधील वीज मीटर जळाल्याने येथील वीज पुरवठा बंद होता. यामुळे पर्यटकांची गैरसोय होत असल्याने मालवण शहर भाजपच्या वतीने याकडे पालकमंत्री नितेश राणे यांचे लक्ष वेधण्यात आले होते. त्यानुसार पालकमंत्री ना. राणे यांनी पालिका प्रशासनाला याबाबत सूचना केल्या असून पालकमंत्र्यांच्या सूचनेनुसार पालिकेने नवीन विद्युत मीटरसाठी आवश्यक रक्कम महावितरण कडे भरणा केली आहे. त्यामुळे मंगळवारी पालकमंत्र्यांच्या सूचनेनुसार रॉक गार्डन प्रकाशमान होणार असल्याची माहिती भाजप शहर मंडल तालुकाध्यक्ष बाबा मोंडकर यांनी प्रसिद्धीपत्रकाद्वारे दिली आहे.
या पत्रकात त्यांनी म्हटले आहे की, सिंधुदुर्ग जिल्हा पर्यटन जिल्हा असून दरवर्षी दहा लाखापेक्षा जास्त पर्यटक सिंधुदुर्ग किल्ला पाहण्यासाठी मालवण येथे भेट देत असतात. त्यावेळी रॉक गार्डनला देखील पर्यटक भेट देतात. मालवणात रात्रीच्या वेळेत पर्यटकांची गर्दी या गार्डनला असते. मालवण शहरा बरोबर वायरी, तारकर्ली, देवबाग, तोंडवळी, आचरा येथे निवास करणारे पर्यटक रात्रीच्या वेळी रॉक गार्डन पाहण्यासाठी येथे भेट देतात. सध्या वादळी वातावरणामुळे रॉक गार्डनला विद्युत पुरवठा करणारी वायर व मीटर जळाल्याने रॉक गार्डन मध्ये विद्युत पुरवठा बंद आहे यांची माहिती भाजपा मालवणच्या वतीने पालकमंत्री नितेश राणे यांना दिली असता त्यांनी हा विषय मार्गी लावायच्या सूचना मालवण नगरपरिषदला दिल्या आहेत. त्या प्रमाणे मालवण नगरपरिषदने नवीन मीटरसाठी काल आवश्यक रक्कम विद्युत विभागास जमा केली असून मिटर आणि जळालेली केबल दुरुस्ती काम आज पूर्ण होऊन रॉक गार्डन आज रात्री प्रकाशमान होईल अशी माहिती बाबा मोंडकर यांनी दिली .
Subscribe to my channel
