अंश राऊळ, विधी वेंगुर्लेकर प्रथम; कोल्हापूर विभागीय स्पर्धेसाठी निवड
सावंतवाडी : सिंधुदुर्ग जिल्हास्तरीय शालेय स्केटिंग स्पर्धेत यशवंतराव भोसले इंटरनॅशनल स्कूलच्या विद्यार्थ्यांनी चमकदार कामगिरी करत शाळेच्या शिरपेचात आणखी एक मानाचा तुरा रोवला. ११ वर्षांखालील मुलांच्या इनलाइन स्केटिंग प्रकारात इयत्ता पाचवीतील अंश राऊळ याने उत्कृष्ट कामगिरी करत प्रथम क्रमांक पटकावला. तर ११ वर्षांखालील मुलींच्या क्वाड स्केटिंग प्रकारात इयत्ता तिसरीतील विधी वेंगुर्लेकर हिनेही दमदार प्रदर्शन करत प्रथम क्रमांक मिळवला.
या उल्लेखनीय कामगिरीमुळे अंश राऊळ आणि विधी वेंगुर्लेकर या दोन्ही विद्यार्थ्यांची कोल्हापूर विभागीय स्केटिंग स्पर्धेसाठी निवड झाली आहे. त्यांच्या यशाबद्दल यशवंतराव भोसले इंटरनॅशनल स्कूलच्या संचालक मंडळासह मुख्याध्यापिका प्रियंका देसाई, उपमुख्याध्यापिका अवंतिका नाईक तसेच शिक्षकवृंदांनी अभिनंदन केले. विभागीय स्पर्धेसाठी दोन्ही विद्यार्थ्यांना शुभेच्छा देण्यात आल्या.
Subscribe to my channel
