भाजप प्रदेशाध्यक्ष आ. रवींद्र चव्हाण यांच्या वाढदिवसानिमित्त विशाल परब यांची मुंबईत प्रत्यक्ष भेट; शुभेच्छांसोबत गुरु-शिष्य नात्याचा जिव्हाळा अधोरेखित
मुंबई : महाराष्ट्र भाजपचे प्रदेशाध्यक्ष तथा आमदार रवींद्र चव्हाण यांच्या वाढदिवसानिमित्त सावंतवाडी विधानसभा मतदारसंघातील युवा नेतृत्व म्हणून सक्रिय असलेले भाजप नेते विशाल परब यांनी मुंबईत प्रत्यक्ष भेट घेत त्यांना वाढदिवसाच्या शुभेच्छा दिल्या. रवींद्र चव्हाण यांना आपले राजकीय गुरू मानणाऱ्या विशाल परब यांच्यासाठी ही भेट केवळ वाढदिवसाच्या शुभेच्छांपुरती मर्यादित नव्हती; तर राजकीय वाटचालीत गुरूंकडून मिळालेल्या मार्गदर्शनाप्रती कृतज्ञता व्यक्त करणारा हा जिव्हाळ्याचा क्षण ठरला.
हातात सुंदर पुष्पगुच्छ, चेहऱ्यावर गुरूंबद्दलचा आदर आणि मनात आपुलकीची भावना घेऊन विशाल परब यांनी रवींद्र चव्हाण यांचे औक्षणीय शुभेच्छांनी अभिवादन केले. यावेळी प्रेमाने पेढा भरवतानाचा आणि तो स्वीकारतानाचा दोघांमधील जिव्हाळ्याचा क्षण उपस्थितांसाठीही विशेष ठरला.
राजकारणाच्या प्रवासात मार्गदर्शन, संघटनशक्ती, कार्यकर्त्यांशी संवाद आणि समाजासाठी काम करण्याची प्रेरणा या बाबतीत रवींद्र चव्हाण यांचा आपल्यावर मोठा प्रभाव असल्याची भावना विशाल परब सातत्याने व्यक्त करतात. त्यामुळे त्यांच्या वाढदिवसानिमित्त झालेली ही भेट गुरु-शिष्याच्या नात्यातील विश्वास, आदर आणि स्नेह अधोरेखित करणारी ठरली.
गुरूंचे मार्गदर्शन आणि आशीर्वाद घेत समाजकारणाची वाटचाल अधिक जोमाने पुढे नेण्याचा संकल्प शिष्याच्या मनात असतो. त्याच भावनेतून झालेली विशाल परब यांची ही भेट राजकीय नात्यापलीकडे जाऊन जपलेल्या गुरु-शिष्य परंपरेचे दर्शन घडवणारी ठरली. रवींद्र चव्हाण यांच्या वाढदिवसानिमित्त विशाल परब यांनी दिलेल्या या शुभेच्छांमधून केवळ औपचारिकता नव्हे, तर राजकीय प्रवासातील गुरूंबद्दलचा आदर आणि शिष्याची कृतज्ञता ठळकपणे दिसून आली.
Subscribe to my channel
