सिंधुदुर्गातील प्रत्येक तालुक्यात “रघुपती राघव राजाराम सत्याग्रह” : ९ ते १४ जुलै पर्यंत आंदोलन : जिल्हाध्यक्ष अरविंद मोंडकर यांची माहिती
मालवण : अयोध्येतील राम मंदिरामधील चोरी प्रकरणावरून विरोधकांनी राज्यात रान उठवले आहे. राष्ट्रीय काँग्रेस देखील या आंदोलनात उतरली असून महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांच्या निर्देशांनुसार सिंधुदुर्ग जिल्ह्यात प्रत्येक तालुक्यात “रघुपती राघव राजाराम सत्याग्रह” आंदोलन छेडले जाणार आहे. अयोध्या येथील मर्यादा पुरुषोत्तम श्री राम यांच्या मंदिरातील दान पेटीमध्ये लूट करणाऱ्या लबाड लोकांना सद्बुद्धी द्यावी याकरिता हे आंदोलन केले जाणार असल्याची माहिती काँग्रेसचे जिल्हाध्यक्ष अरविंद मोंडकर यांनी दिली आहे.
सिंधुदुर्ग जिल्ह्यात दोडामार्ग शहरातून उद्या गुरुवार दि.९ जुलै पासून सुरवात करून मंगळवार दि १४ जुलै पर्यत संपूर्ण जिल्ह्याभारत हा कार्यक्रम राबविण्यात येणार असून यावेळी भजन, दिंडी, कथावाचन, पसायदान आदी कार्यक्रमांचे आयोजन करत हा कार्यक्रम जिल्हाभर घेण्यात येणार आहे. तरी या कार्यक्रमात काँग्रेस पक्षाच्या पदाधिकारी आणि कार्यकर्त्यांसमवेत रामभक्तांनी देखील उपस्थित रहावे, असे आवाहन अरविंद मोंडकर यांनी केले आहे.
Subscribe to my channel
