काळजी करू नको, हा मोठा भाऊ सदैव तुझ्या पाठीशी !
निलेश राणेंची दिवंगत लोकराजा सुधीर कलिंगण यांच्या मुलाला ग्वाही
कुणाल मांजरेकर
भाजपचे प्रदेश सचिव, माजी खासदार निलेश राणे यांनी दशावतारी नटसम्राट बाबी कलिंगण यांचे चिरंजीव लोकराजा कै. सुधीर कलिंगण यांच्या निवासस्थानी जाऊन त्यांच्या कुटुंबियांची सदिच्छा भेट घेतली. या भेटीवेळी सुधीर कलिंगण यांच्या आठवणीना उजाळा देतानाच त्यांच्या मुलाच्या खांद्यावर हात ठेऊन मोठ्या भावा प्रमाणे मी सदैव तुमच्या पुर्ण कुटुंबाच्या पाठीशी आहे. काही सहकार्य लागलं तर मला हक्काने आवाज द्या, असा शब्द निलेश राणे यांनी दिला. यावेळी भाजपाचे जिल्हा सरचिटणीस अशोक सावंत, कुडाळ तालुकाध्यक्ष विनायक राणे, ओरोस मंडल तालुकाध्यक्ष दादा साईल, चंद्रशेखर राणे, अरविद सावंत, आनंद शिरवलकर, प्रितेश राऊळ, तात्या पवार यांच्यासह भाजपचे अन्य पदाधिकारी आणि कार्यकर्ते उपस्थित होते.
