विद्यार्थ्यांच्या सर्वांगीण विकासासाठी कटिबद्ध : विशाल परब यांचे प्रतिपादन
सावंतवाडी : ‘विद्यार्थ्यांच्या उज्ज्वल भविष्यासाठी भाजपची ज्ञानसेवा!’ या ब्रीदवाक्याला सार्थ ठरवत सिंधुदुर्ग जिल्ह्यातील तळवडे येथे भारतीय जनता पार्टीच्या माध्यमातून, तसेच भाजपा प्रदेशाध्यक्ष रवींद्र चव्हाण आणि सिंधुदुर्गचे पालकमंत्री नितेश राणे यांच्या मार्गदर्शनाखाली तळवडे येथील शेकडो विद्यार्थ्यांना शैक्षणिक साहित्याचे वाटप करण्यात आले. युवा नेते विशाल परब यांच्या वतीने हा उपक्रम राबवण्यात आला.
तळवडे येथील या विशेष उपक्रमांतर्गत जिल्हा परिषद पूर्ण प्राथमिक शाळा तळवडे क्रमांक १, २ आणि ४, तसेच श्री जनता विद्यालय व कनिष्ठ महाविद्यालय तळवडे येथील गरजू आणि होतकरू विद्यार्थ्यांना शैक्षणिक साहित्याचे वितरण करण्यात आले. या कार्यक्रमाला महाराष्ट्र भाजपचे युवा नेते विशाल परब, जिल्हा परिषद सदस्य संदीप गावडे आणि उपसभापती गौरव मुळीक यांची प्रमुख उपस्थिती लाभली होती. त्यांच्याच हस्ते विद्यार्थ्यांना या साहित्याचे वाटप करण्यात आले.
“भारतीय जनता पार्टी हा केवळ एक राजकीय पक्ष नसून, समाजातील प्रत्येक घटकाच्या, विशेषतः ग्रामीण भागातील विद्यार्थ्यांच्या सर्वांगीण विकासासाठी कटिबद्ध असलेली संघटना आहे,” असा विश्वास यावेळी विशाल परब यांनी व्यक्त केला.
शिक्षण, आरोग्य आणि सामाजिक बांधिलकी जपत असे लोकहिताचे उपक्रम भाजपच्या माध्यमातून यापुढेही सातत्याने राबवले जातील, असे विशाल परब यांनी आवर्जून सांगितले. तळवडे जिल्हा परिषद शाळांचा कायापालट करण्यासाठी, तिथली शैक्षणिक गुणवत्ता वाढवण्यासाठी आणि पायाभूत सुविधा अधिक बळकट करण्यासाठी विविध उपक्रम राबवण्याचा संकल्प जिल्हा परिषद सदस्य संदीप गावडे आणि उपसभापती गौरव मुळीक यांनी बोलून दाखवला.
तळवडे गावच्या शाळा ‘सुजलाम सुफलाम’ करण्यासाठी सातत्याने प्रयत्न सुरू राहतील, अशी ग्वाही त्यांनी दिली.या सोहळ्याला भाजपचे अनेक ज्येष्ठ पदाधिकारी आणि कार्यकर्ते मोठ्या संख्येने उपस्थित होते. यामध्ये माजी सभापती पंकज पेडणेकर, ग्रामपंचायत सदस्य दादा परब, आंबोली मंडळ सरचिटणीस बाळू साळगावकर, शक्ती केंद्र प्रमुख शंकर सावंत, यांसह केतन आजगावकर, धीरेंद्र मापसेकर, सिद्धीश तेंडोलकर, ज्ञानेश्वर गोडकर, रवींद्र परब, सुशांत गावडे, संदीप परब, शाम शेतकर, सचिन परब, वासुदेव जाधव, प्रवीण लोके आणि विकास गावडे आदींचा समावेश होता.तळवडे येथील विद्यार्थी, शिक्षक, पालक आणि समस्त ग्रामस्थांनी या उपक्रमाचे अत्यंत उत्साहात स्वागत केले असून, भाजपच्या या सामाजिक बांधिलकीचे आणि ‘ज्ञानसेवे’चे सर्व स्तरातून कौतुक होत आहे.
Subscribe to my channel
