भरड येथील जीर्ण झालेला “तो” धोकादायक विद्युत पोल हटवला
युवा सामाजिक कार्यकर्ते अमेय देसाईंसह मंदार ओरसकर, किरण वाळके, आकांक्षा शिरपुटे यांचा पाठपुरावा
मालवण | कुणाल मांजरेकर
शहरातील भरड येथील PH/5 हा मुळातून पूर्णपणे जीर्ण झालेला वीजेचा पोल अखेर महावितरणने बदलला आहे. यासाठी युवा सामाजिक कार्यकर्ते अमेय देसाई यांच्यासह युवासेनेचे शहरप्रमुख मंदार ओरसकर, माजी नगरसेविका आकांक्षा शिरपुटे, किरण वाळके यांच्या यशस्वी पाठपुराव्यामुळे बदलण्यात आला.
हा पोल धोकादायक असल्याने व रस्त्याला अडथळा होत असल्याने बदलण्याची मागणी स्थानिक नागरिक आणि वाहन चालकांमधून करण्यात येत होती. अखेर वीज वितरण कडून हा पोल बदलण्यात आला आहे. यासाठी अमेय देसाई यांच्या बरोबरच सुभाष मेस्त्री, सुरेश भोवर, राजन चव्हाण, दिगंबर चव्हाण, प्रमोद मेस्त्री, बांदेकर, संतोष मेस्त्री, राजा मेस्त्री आदी नागरिकांचे सहकार्य लाभले.
