जि. प. च्या ५० जागांसाठी २७३ तर पं. स. च्या १०० जागांसाठी तब्बल ४४० उमेदवारी अर्ज दाखल
सिंधुदुर्ग | कुणाल मांजरेकर
जिल्हा परिषद, पंचायत समितीच्या ५ फेब्रुवारी रोजी होत असलेल्या सार्वत्रिक निवडणुकीसाठी इच्छूकांची एकच गर्दी झाल्याचे चित्र बुधवारी जिल्ह्यात पाहायला मिळाले. जिल्हा परिषदेच्या ५० जागांसाठी २७३ तर पंचायत समितीच्या १०० जागांसाठी अब्बल ४४० जणांनी आपले उमेदवारी अर्ज दाखल केले आहेत. सर्वाधिक उमेदवारी अर्ज सावंतवाडी तालुक्यात दाखल झाले आहेत. या ठिकाणी जिल्हा परिषदेच्या ९ जागांसाठी ६० तर पंचायत समितीच्या १८ जागांसाठी १०१ उमेदवारी अर्ज दाखल करण्यात आले.
जिल्हा परिषद आणि पंचायत समितीच्या निवडणुका येत्या ५ फेब्रुवारी रोजी होऊ घातल्या आहेत. बऱ्याच कालावधीनंतर या निवडणुका होत असल्याने जिल्हा परिषद आणि पंचायत समिती साठी इच्छुकांची मोठी गर्दी झाल्याचे दिसून आले. विशेषतःउमेदवारी अर्ज दाखल करण्याच्या आजच्या शेवटच्या दिवशी सर्वच ठिकाणच्या तहसील कार्यालयात इच्छुकांची मोठी गर्दी झाल्याचे पहायला मिळाले.
तालुकानिहाय उमेदवारांची संख्या पुढीलप्रमाणे – वैभववाडी (जि. प. जागा ३ – उमेदवार १५, पं. स. जागा ६ – उमेदवार – २७), कणकवली (जि. प. जागा ८ – उमेदवार ३७, पं. स. जागा १६ – उमेदवार – ६०), देवगड (जि. प. जागा ७ – उमेदवार २७, पं. स. जागा १४ – उमेदवार – ३७), मालवण (जि. प. जागा ६ – उमेदवार २८, पं. स. जागा १२ – उमेदवार – ५३), कुडाळ (जि. प. जागा ९ – उमेदवार ४८, पं. स. जागा १८ – उमेदवार – ६४), वेंगुर्ला (जि. प. जागा ५ – उमेदवार ३७, पं. स. जागा १० – उमेदवार – ६२), सावंतवाडी (जि. प. जागा ९ – उमेदवार ६०, पं. स. जागा १८- उमेदवार – १०१), दोडामार्ग (जि. प. जागा ३ – उमेदवार २१, पं. स. जागा ६ – उमेदवार – ३६).
Subscribe to my channel
