आता पर्यटकही म्हणतील… “आय लव्ह मालवण”
“मालवण” सेल्फी पॉईंटचे लवकरच आ. वैभव नाईक यांच्या हस्ते लोकार्पण ; महेश कांदळगावकर यांची माहिती
मालवण | कुणाल मांजरेकर
मालवण नगरपालिकेच्या वतीने आणि आमदार वैभव नाईक यांच्या पाठपूराव्यातून उपलब्ध झालेल्या निधीतून पालिकेच्या रॉक गार्डन मध्ये उभारण्यात आलेल्या “मालवण” सेल्फी पॉईंटचे लोकार्पण लवकरच आ. नाईक यांच्याहस्ते होणार आहे. या सेल्फी पॉईंटमुळे शहराच्या पर्यटनाला उभारी मिळणार असून आता पर्यटकही म्हणतील “आय लव्ह मालवण” अशी प्रतिक्रिया माजी नगराध्यक्ष महेश कांदळगावकर यांनी व्यक्त केली आहे.
मालवण हे पर्यटन शहर आहे. आणि पर्यटनदृष्ट्या या शहराचा विकास करत असताना शहर सुशोभीकरण करण्याच्या उद्देशाने मालवण शहरात विविध ठिकाणी सुशोभीकरण साठी निधी मिळावा यासाठी आमदार वैभव नाईक यांच्याकडे मागणी केली होती. त्यानुसार आमदार नाईक यांनी पाठपुरावा करून वेळोवेळी निधी उपलब्ध करून दिला आहे. समुद्राच्या काठावर असणारे मालवण न. प. चे रॉक गार्डन हे पर्यटकांच्या पसंतीचे पर्यटन स्थळ बनले आहे. डेकोरेटिव्ह लाईट, म्युझिकल फाउंटन यामुळे लाखो पर्यटक या ठिकाणी भेट देतात. फोटोग्राफीचा आनंद घेतात. या पर्यटकाना मालवण कायम स्मरणात राहावे या उद्देशाने या ठिकाणी आय लव्ह मालवण हा सेल्फी पॉईंट होण्याच्या दृष्टीने सन 2020/21 मध्ये 8 लाख जिल्हा पर्यटन निधीची मागणी करण्यात आली होती आणि यास 31 मार्च 2021 रोजी प्रशासकीय मान्यता प्राप्त झाली होती. यासाठी आमदार वैभव नाईक यांनीही पाठपुरावा करून हा निधी उपलब्ध करून दिला होता. त्यानुसार प्रत्यक्ष कामास सुरुवात होऊन आता ते पूर्णत्वास आलेले आहे. आणि यामूळे मालवणच्या पर्यटन सौदर्यात भर पडली आहे. पर्यटकानी या ठिकाणी सेल्फी काढल्याने मालवण शहर त्यांच्या कायम स्मरणात राहणार आहे. पर्यायाने मालवण शहराचा पर्यटन दृष्ट्या प्रचार होण्यास मदत होणार आहे. या कामाचा लोकार्पण सोहळा आमदार वैभव नाईक यांच्या हस्ते लवकरच करण्यात येणार हे, असे माजी नगराध्यक्ष महेश कांदळगावकर यांनी म्हटले आहे.
