बेसावध राहू नका, सावधपणे पावले टाका ; राज ठाकरेंचा एकनाथ शिंदेंना सल्ला
मुंबई : महाराष्ट्राच्या मुख्यमंत्री पदाची एकनाथ शिंदे यांनी शपथ घेतल्या नंतर मनसे अध्यक्ष राज ठाकरे यांनी त्यांना शुभेच्छा दिल्या आहेत. बेसावध राहू नका, सावधपणे पावले टाका, असा सल्ला देखील राज ठाकरेंनी एकनाथ शिंदे यांना दिला आहे.
“श्री. एकनाथ शिंदेजी, आपण महाराष्ट्राचे मुख्यमंत्री झालात. आपले अभिनंदन. खरंच मनापासून आनंद झाला. नशिबाने आपल्याला मुख्यमंत्रिपदाची संधी मिळाली आहे. आता ती स्वकर्तृत्वाने सिद्ध कराल ही आशा. आपण तरी बेसावध राहू नका. सावधपणे पावले टाका. पुन्हा एकदा आपले अभिनंदन!” असं राज ठाकरेंनी म्हटलं आहे.
