अनुराग उतेकर यांच्यासह शेकडो युवक-युवती, सरपंच आणि ग्रामस्थांचा भाजपमध्ये पक्षप्रवेश
चिपळूण : चिपळूण तालुक्यात भारतीय जनता पक्षाच्या संघटनात्मक विस्ताराला चालना देणारी महत्त्वपूर्ण राजकीय घडामोड घडली आहे. सामाजिक कार्यकर्ते अनुराग उतेकर यांच्यासह शेकडो युवक-युवती आणि ग्रामस्थांनी आमदार प्रमोद जठार यांच्या उपस्थितीत भारतीय जनता पक्षात जाहीर प्रवेश केला. या पक्षप्रवेश सोहळ्यामुळे चिपळूण तालुक्यातील भाजप पक्ष संघटनेला बळ आले आहे.
या पक्षप्रवेश सोहळ्यात विविध गावांतील सरपंच, माजी सरपंच, उपसरपंच, ग्रामपंचायत सदस्य तसेच सामाजिक आणि राजकीय क्षेत्रात कार्यरत असलेल्या अनेक कार्यकर्त्यांचा समावेश होता. विशेष म्हणजे युवक-युवतींनी मोठ्या संख्येने भाजपमध्ये प्रवेश केल्याने गावपातळीवरील संघटनात्मक बांधणीच्या दृष्टीने या घडामोडीला महत्त्व प्राप्त झाले आहे.
आमदार प्रमोद जठार यांनी पक्षात प्रवेश केलेल्या सर्व कार्यकर्त्यांचे स्वागत केले. पक्षाची विचारधारा आणि विकासाभिमुख भूमिका जनतेपर्यंत पोहोचविण्यासाठी प्रत्येक कार्यकर्त्याने गावपातळीवर सक्रियपणे काम करावे, असे आवाहन त्यांनी यावेळी केले. तसेच नव्याने पक्षात दाखल झालेल्या कार्यकर्त्यांच्या माध्यमातून स्थानिक प्रश्नांवर प्रभावीपणे काम करण्याचा विश्वास व्यक्त करण्यात आला.
रत्नागिरी उत्तर जिल्हाध्यक्ष सतीश मोरे आणि खेड तालुकाध्यक्ष विनोद चाळके यांच्या प्रयत्नातून हा पक्षप्रवेश सोहळा पार पडला. गुणदे, खोपड, शेल्डी, भेलसई, कासई, गुढे, पाली यांसह चिपळूण तालुक्यातील विविध गावांमधील कार्यकर्त्यांनी या सोहळ्यात सहभाग घेतला. सामाजिक कार्यकर्ते अनुराग उतेकर यांच्यासह संतोष उतेकर, खोपडचे माजी सरपंच महेश शिर्के, गुढेचे सरपंच नरेश टोले, उमेश महाडिक, प्रकाश पालांडे, रवींद्र दळवी, राकेश महाडिक, शैलेश आंब्रे, संदीप आंब्रे, अश्विनी आथरे, प्रथमेश शिर्के, पार्थ आयरे, मोहन शिर्के, प्रशांत शिर्के, गौरी शिर्के, तुषार खेतले, अमित खेतले, अंकुश आयरे, ओंकार दळवी, रोहन दळवी, अमित गोवकर, रोहित काजवे, अरुण मतवल, सुधीर उतेकर, राजाराम उतेकर, किशोर उतेकर, दीपक कदम, आशिष कदम, सोनाली कदम, अक्षदा उतेकर, अंशुमन उतेकर, प्रशांत उतेकर, रिया चव्हाण, नीलम भेनसे, रूपा चव्हाण, संदीप कदम, काशीराम कदम, सविता कदम, निलेश कदम, प्रवीण जाधव, यश शिंदे, भूषण जाधव, स्नेहा जाधव, शरयू उतेकर, राजश्री उतेकर, महेश पालांडे, स्वप्नील सुर्वे आदींसह शेकडो युवक-युवती आणि ग्रामस्थांनी भाजपमध्ये प्रवेश केला.
यावेळी आमदार प्रमोद जठार यांनी नव्या कार्यकर्त्यांशी संवाद साधत त्यांच्या अपेक्षा, गावातील समस्या आणि विकासकामांबाबत चर्चा केली. स्थानिक प्रश्नांचा पाठपुरावा, नागरिकांशी थेट संपर्क आणि गावागावांत संघटनात्मक काम अधिक प्रभावी करण्यावर भर देण्याचा निर्धार यावेळी व्यक्त करण्यात आला.दरम्यान, चिपळूण तालुक्यातील विविध गावांमधून एकाचवेळी मोठ्या संख्येने कार्यकर्ते भाजपमध्ये दाखल झाल्याने या पक्षप्रवेशाची स्थानिक राजकीय वर्तुळात चर्चा रंगली आहे. आगामी काळात या नव्या कार्यकर्त्यांच्या सहभागातून गावपातळीवरील पक्ष संघटन अधिक मजबूत करण्यासाठी प्रयत्न केले जाणार असल्याचे यावेळी सांगण्यात आले. आमदार प्रमोद जठार यांच्या उपस्थितीत झालेल्या या पक्षप्रवेश सोहळ्यामुळे चिपळूण तालुक्यात भाजपच्या संघटनात्मक विस्ताराला नवे बळ मिळाले आहे.
Subscribe to my channel
