विकासाचा दृष्टिकोन पाहता जनतेचा माधुरी मसुरकर व संतोष साटविलकर यांना वाढता पाठिंबा
मालवण : मालवण तालुक्यात पंचायत समिती व जिल्हापरिषद निवडणुकीत महायुतीचाच बोलबाला सर्वत्र दिसून येत आहे. महायुतीचे सर्व उमेदवार विजयी होतील असा ठाम विश्वास व्यक्त केला जात आहे. वराड पंचायत समिती व पेंडूर जिल्हापरिषद मतदारसंघात महायुतीचा गावागावात घरोघर प्रचार सुरु असून सर्व ठिकाणी मतदारांचा मिळणारा प्रतिसाद पाहता वराड पंचायत समिती मतदारसंघात भाजपा महायुतीच्या माधुरी मसुरकर विजयी होतील. तसेच शिवसेना महायुतीचे जिल्हापरिषद उमेदवार संतोष साटविलकर यांना वराड विभागातून मोठे मताधिक्य मिळेल असा विश्वासही व्यक्त केला जात आहे.
भाजपा नेते खासदार नारायण राणे साहेब, भाजपा प्रदेशाध्यक्ष रविंद्र चव्हाण, पालकमंत्री नितेश राणे, आमदार निलेश राणे, आमदार दिपक केसरकर यांच्या नेतृत्वात महायुतीच्या माध्यमातून सिंधुदुर्ग जिल्ह्यात जिल्हापरिषद व सर्व पंचायत समिती निवडणुक लढवली जात आहे. शिवसेना भाजपा पदाधिकारी कार्यकर्ते एकसंघपणे प्रचारात सहभागी आहेत. राणे साहेबांच्या नेतृत्वात मोठया विजयासाठी महायुती सज्ज झाली आहे. महायुती सरकार माध्यमातून जास्तीत जास्त विकासनिधीच्या माध्यमातून मोठा विकास होऊ शकतो. हा विश्वास व्यक्त होत असताना सर्व ठिकाणी महायुतीच्या उमेदवारांना पाठिंबा वाढत आहे.
पेंडूर जिल्हा परिषद मतदारसंघातून शिवसेना महायुतीकडून माजी जिप वित्त व बांधकाम सभापती संतोष साटविलकर हे अनुभवी आणि अभ्यासू व्यक्तिमत्व निवडणुक रिंगणात आहेत. तसेच वराड पंचायत समितीत भाजपा महिला तालुकाध्यक्षा माधुरी मोहन मसुरकर या निवडणुक रिंगणात आहेत. माधुरी मसुरकर सामाजिक क्षेत्रात सातत्याने कार्यरत दिसून येतात. गावच्या तसेच पंचायत समिती मतदारसंघाच्या विकासाची तळमळ त्यांच्यात आहे. गावांच्या विकासासाठी जास्तीत जास्त निधी मिळावा यासाठी त्या नेहमीच प्रयत्नाशील असतात. पंचायत समिती निवडणुकीत जनतेच्या आशीर्वादाने त्या मोठया मताधिक्याने विजयी झाल्यास राणे साहेबांच्या नेतृत्वात महायुती सरकारच्या माध्यमातून जास्तीत जास्त निधी मतदार संघात आणून जनतेला अपेक्षित असे विकासकार्य करण्याचा विश्वास त्यांच्या माध्यमातून व्यक्त केला जात आहे.
आम्हाला जनतेची सेवा करायची आहे. जास्तीत जास्त निधी आणून संपुर्ण मतदार संघात विकास करायचा आहे. आदर्श असा मतदारसंघ बनवण्यासाठी आम्ही प्रयत्नशील राहणार असल्याचे माधुरी मसुरकर यांनी प्रचारा दरम्यान सांगितले.
Subscribe to my channel
