वैभव नाईक यांच्या १०० वनराई बंधाऱ्यांच्या संकल्पाला मालवणातील आडवण येथे सुरुवात
मालवण : संभाव्य पाणीटंचाईच्या पार्श्वभूमीवर जलसंधारणासाठी उबाठा शिवसेनेचे जिल्हाप्रमुख तथा माजी आमदार वैभव नाईक यांनी मालवण तालुक्यात १०० वनराई बंधारे उभारण्याचा संकल्प केला आहे. या संकल्पाचा शुभारंभ मंगळवारी मालवण शहरातील आडवण येथील जलस्रोतावर मातीचा बंधारा उभारून करण्यात आला.
उबाठा शिवसेनेच्या पुढाकाराने जेसीबीच्या सहाय्याने आडवण येथील जलस्रोतावर मातीचा बंधारा घालण्यात आला. त्यामुळे पाण्याचा प्रवाह अडवून उपलब्ध जलसाठा टिकवून ठेवण्यास मदत होणार असून, आगामी काळातील पाणीटंचाईचा सामना करण्यासाठी हा उपक्रम महत्त्वपूर्ण ठरणार आहे. या उपक्रमावेळी नगरसेवक तपस्वी मयेकर, नगरसेविका अनिता गिरकर, माजी नगरसेविका पूजा करलकर, उबाठा शिवसेनेच्या महिला उपतालुकाप्रमुख रूपा कुडाळकर, मालवण शहरप्रमुख राधिका मोंडकर, मनोज मोंडकर, गणेश चव्हाण, दत्ता पोईपकर यांच्यासह स्थानिक नागरिक उत्तम चव्हाण, शशिकांत यादव, सुरेश चव्हाण आदी उपस्थित होते.
यावेळी पूजा करलकर म्हणाल्या की, शासनाने दुष्काळ जाहीर केला असून आगामी काळात पाणीटंचाईचे संकट अधिक तीव्र होण्याची शक्यता आहे. ही परिस्थिती लक्षात घेऊन माजी आमदार वैभव नाईक यांनी १०० वनराई बंधारे उभारण्याचा संकल्प केला आहे. त्याचाच शुभारंभ आडवण येथे करण्यात आला.
Subscribe to my channel
