प्रदेशाध्यक्ष रवींद्र चव्हाण यांच्या उपस्थितीत प्रवेश ; मंदार केणींचा पुढाकार
मालवण : मालवण तालुक्यातील कुणकवळे गावात भाजपने उबाठाला धक्का दिला आहे. भाजपचे प्रदेशाध्यक्ष आ. रवींद्र चव्हाण यांच्या उपस्थितीत कुणकवळे गावातील उबाठा पक्षाचे शाखाप्रमुख विकास दळवी यांनी भारतीय जनता पार्टीत प्रवेश केला. यावेळी त्यांची पत्नी कुणकवळे ग्रामपंचायत सदस्य श्रेया विकास दळवी व ग्रामपंचायत सदस्य सुरेश राणे यांनीही पाठिंबा दर्शविला आहे. कुणकवळे गावच्या विकासासाठी कायम पाठीशी राहण्याचा शब्द प्रदेशाध्यक्ष रविंद्र चव्हाण यांनी यावेळी दिला. या प्रवेशासाठी भाजपात नुकतेच प्रवेश केलेल्या माजी बांधकाम सभापती मंदार केणी यांचे विशेष प्रयत्न केले.
Subscribe to my channel
