महिला उत्कर्ष समितीने अनाथांच्या चेहऱ्यावर फुलवला आनंद
संविता अनाथाश्रमात अनाथ मुलांसमवेत महिला दिन साजरा
कुणाल मांजरेकर
मालवण : जागतिक महिला दिनाचे औचित्य साधून सिंधुदुर्ग जिल्हा महिला उत्कर्ष समिती अध्यक्षा सौ. ज्योतिका हरियाण यांच्या संकल्पनेतून पणदूर येथील संविता अनाथाश्रमातील मुलांना कपडे, खाऊ वाटप करून शैक्षणिक साहित्याची मदत देण्यात आली.
या निमित्ताने येथील अनाथालयातील मुलांच्या चेहऱ्यावर हसू उमटून आगळ्या वेगळ्या पद्धतीने महिला दिन साजरा झाला. यावेळी जिल्हाध्यक्ष सौ. ज्योतिका हरियाण तसेच सौ. सुप्रिया ठाकूर- पाटील, सौ. नेहा शंकरदास- कोळंबकर, सौ. दुर्वा मानकर, सौ.स्वरदा खांडेकर आदी महिला उपस्थित होत्या.
