श्री वटवृक्ष स्वामी महाराज देवस्थान येथे राष्ट्रीय पल्स पोलिओ लसीकरण मोहीम संपन्न
मंदिर समितीचे चेअरमन व नगरसेवक महेश इंगळे यांच्या हस्ते पल्स पोलिओ लसीकरण केंद्राचे उद्घाटन
अक्कलकोट : पोलिओ लसीकरण हे केवळ सरकारी मोहीम नसून समाजातील लोकप्रतिनिधींमार्फत राबविली जाणारी समाजाच्या भविष्याची काळजी असल्याचे प्रतिपादन येथील श्री वटवृक्ष स्वामी महाराज देवस्थानचे चेअरमन तथा नगरसेवक महेश इंगळे यांनी केले.
येथील श्री वटवृक्ष स्वामी महाराज देवस्थानात आज राष्ट्रीय पल्स पोलिओ लसीकरण मोहिमेचे आयोजन करण्यात आले होते. ग्रामीण रुग्णालयाचे व्यवस्थापक तथा वैद्यकीय अधिकारी डॉ.अशोक राठोड यांच्या मार्गदर्शनाखाली श्री वटवृक्ष देवस्थानचे चेअरमन व नगरसेवक महेश इंगळे यांच्या हस्ते मंदीरातील व परिसरातील भाविकांच्या ५ वर्षांखालील बालकांना पोलीओ लसींचे २ थेंब मुखात घालून या लसीकरण मोहिमेचे उद्घाटन करण्यात आले. यावेळी नगरसेवक महेश इंगळे बोलत होते.
या कार्यक्रमात मंदीरात उपस्थित ० ते ५ वर्षे वयोगटातील सर्व बालकांना पोलिओचा डोस देण्यात आला. आरोग्य सेवक संतोष सावडकर, आरोग्य सेविका श्रीमती कोरे यांनी लसीकरणाचे काम पाहिले. पर्यवेक्षक म्हणून बसवराज याबाजी व आरोग्य सेवक शाम पाटील यांनी काम पाहिले.या मोहिमेत एकूण ८११ बालकांना पोलिओ डोस देण्यात आला. देवस्थान समितीच्या सहकार्याने लसीकरण मोहीम यशस्वी झाल्याबद्दल आरोग्य विभागाने समाधान व्यक्त केले.
लसीकरण मोहीम यशस्वी होण्याकरीता अमर पाटील, संदीप गायकवाड, श्री स्वामी, श्रीकांत स्वामी आदींसह देवस्थानचे कर्मचारी व सेवेकऱ्यांनी परिश्रम घेतले. यावेळी प्रथमेश इंगळे, मंदीर समितीचे सचिव आत्माराम घाटगे, विश्वस्त महेश गोगी, श्रीशैल गवंडी, प्रसाद सोनार, श्रीकांत मलवे, गिरीश पवार, विपूल जाधव, गणेश इंगळे, अविनाश क्षीरसागर आदींसह भाविक भक्त उपस्थित होते.
Subscribe to my channel
