पणदूर ग्रामपंचायत सदस्य घरोघरी जाऊन देणार तिरंगा…
पणदूर गावात आजपासून होणार घरोघरी तिरंगा वाटप ; सरपंच दादा साईल यांची माहिती
ओरोस : स्वातंत्र्याच्या अमृतमहोत्सवा निमित्त “घरोघरी तिरंगा” उपक्रम उत्साहात साजरा करण्यासाठी पणदूर ग्रामपंचायतीने गावातील सर्व कुटुंबांना घरपोच तिरंगा देण्याची मोहीम आखली आहे. पणदूर ग्रामपंचायतचे सर्व सदस्य गुरुवार पासून गावातील प्रत्येक घराकडे जाऊन भारताचा अभिमान असणारा तिरंगा ग्रामस्थांना देऊन १३ ते १५ ऑगस्ट दरम्यान प्रत्येक घरावर झेंडा फडकविण्यासाठी आवाहन करणार आहेत, अशी माहिती सरपंच दादा साईल यांनी दिली आहे.
याचा शुभारंभ बुधवारी गावातील ज्येष्ठ ग्रामस्थ, आजी- माजी सैनिक त्याचप्रमाणे गावातील अपंग, आजारी नागरिक आणि विधवा महिलांना त्यांच्या घराकडे जाऊन झेंडा वाटप करून शुभारंभ करण्यात आला. यावेळी सरपंच दादा साईल, उपसरपंच बबन पणदूरकर, ग्रामपंचायत सदस्य आबा सावंत, किरण मोरे, सुविधा सावंत, अनघा गोडकर, मयुरी पणदूरकर, ग्रामसेवक सपना मसगे, अंगणवाडी सेविका रेश्मा पणदूरकर, कर्मचारी दत्ताराम गोसावी, सुदेश साईल, अनुष्का जाधव आदी उपस्थित होते. गुरुवारपासून ग्रामपंचायतीचे सर्व सदस्य गावातील कर्मचाऱ्यांना सोबत घेऊन प्रत्येक घराकडे जाऊन झेंडा वाटप करणार आहेत.
