दावे-हरकती दाखल करण्यासाठी १२ ऑक्टोबरपर्यंत संधी; अंतिम मतदार यादी १६ नोव्हेंबरला प्रसिद्ध होणार
मुंबई : महाराष्ट्रात सुरू असलेल्या मतदार याद्यांच्या विशेष सखोल पुनरीक्षणाला (SIR) भारत निवडणूक आयोगाने मुदतवाढ दिली आहे. मुख्य निवडणूक अधिकारी कार्यालयाच्या विनंतीची दखल घेत आयोगाने दावे व हरकती दाखल करण्याची अंतिम मुदत १२ ऑक्टोबर २०२६ पर्यंत वाढवली आहे. प्राप्त नोटिसा, दावे व हरकती निकाली काढण्यासाठी १० नोव्हेंबर २०२६ पर्यंतची मुदत देण्यात आली असून, महाराष्ट्राची अंतिम मतदार यादी १६ नोव्हेंबर २०२६ रोजी प्रसिद्ध करण्यात येणार आहे.
बीएलओ घरोघरी जाऊन कागदपत्रे संकलित करणारविशेष सखोल पुनरीक्षणादरम्यान ‘जुळणी न झालेले मतदार’ (Unmapped) किंवा ‘तार्किक विसंगती’ (Logical Discrepancies) या कारणांमुळे ज्या नागरिकांना नोटिसा बजावण्यात आल्या आहेत, त्यांच्या घरी जाऊन मतदान केंद्रस्तरीय अधिकारी (BLO) आवश्यक कागदपत्रे संकलित करणार आहेत.
प्रत्यक्ष सुनावणीसाठी कार्यालयात जाण्याची गरज नाहीकागदपत्रांचे संकलन घरातूनच केले जाणार असल्याने संबंधित मतदारांना प्रत्यक्ष सुनावणीसाठी मतदार नोंदणी अधिकारी (ERO) किंवा सहाय्यक मतदार नोंदणी अधिकारी (AERO) यांच्या कार्यालयात जाण्याची आवश्यकता राहणार नाही. केवळ अपवादात्मक परिस्थितीत ऑनलाइन पद्धतीने सुनावणी घेतली जाईल.
या ऑनलाइन सुनावणीच्या वेळी संबंधित मतदाराच्या वतीने कुटुंबातील कोणताही प्रौढ सदस्य उपस्थित राहू शकणार आहे.बेघर, मजूर आणि गरजू नागरिकांसाठी विशेष मदत कक्षमतदार नोंदणी किंवा मतदार यादीतील दुरुस्तीच्या प्रक्रियेत कोणताही पात्र नागरिक वंचित राहू नये, यासाठी बेघर नागरिक, मजूर, गरीब तसेच रात्र निवाऱ्यांमध्ये राहणाऱ्या नागरिकांसाठी जिल्हा निवडणूक अधिकाऱ्यांच्या माध्यमातून गरजेनुसार विशेष मदत कक्ष (Help Desks) आणि विशेष शिबिरे आयोजित केली जाणार आहेत.
या सुविधांमुळे आवश्यक कागदपत्रे, मतदार नोंदणी तसेच मतदार यादीतील दुरुस्तीची प्रक्रिया संबंधित नागरिकांना अधिक सुलभपणे पूर्ण करता येणार आहे.
Subscribe to my channel
