राकेश परब यांच्या वाढदिवसानिमित्त अभिनव उपक्रम; महिलांना मोठा दिलासा
मसुरे : वाढदिवसाचा आनंद केवळ शुभेच्छांपुरता मर्यादित न ठेवता समाजोपयोगी उपक्रमातून साजरा करण्याचा आदर्श वडाचापाट येथे पाहायला मिळाला. राज्याचे मत्स्य व बंदरे विकास मंत्री तथा सिंधुदुर्ग जिल्ह्याचे पालकमंत्री नितेश राणे यांचे स्वीय सहाय्यक राकेश परब यांच्या वाढदिवसानिमित्त वडाचापाट ग्रामपंचायतीत मोफत एसटी स्मार्ट कार्ड शिबिराचे आयोजन करण्यात आले. या शिबिराला ग्रामस्थांचा उत्स्फूर्त प्रतिसाद मिळत तब्बल १३० लाभार्थ्यांची स्मार्ट कार्ड काढण्यात आली.
विशेषतः महिलांसाठी एसटी प्रवासात सवलत व सुविधा मिळवून देणाऱ्या या उपक्रमामुळे लाभार्थ्यांमध्ये समाधानाचे वातावरण होते. यावेळी राकेश परब यांच्या हस्ते लाभार्थी महिलांना स्मार्ट कार्डचे वाटप करण्यात आले.
कार्यक्रमादरम्यान माजी सभापती राजेंद्र प्रभुदेसाई आणि सरपंच सौ. सोनिया दयानंद प्रभुदेसाई यांच्या हस्ते राकेश परब यांचे अभिष्टचिंतन करण्यात आले. वडाचापाटच्या विकासात्मक वाटचालीत राकेश परब यांचे सातत्याने सहकार्य व योगदान लाभत असल्याबद्दल राजेंद्र प्रभुदेसाई यांनी त्यांचे आभार मानले. कणकवली भाजप अध्यक्ष मिलिंद मेस्त्री यांनीही राकेश परब यांना वाढदिवसाच्या शुभेच्छा दिल्या.
यावेळी उपसरपंच सचिन पाताडे, ग्रामपंचायत सदस्य विराज पाटकर, सविता पालव, सोनल मांजरेकर, वेदिका माळकर, विनायक प्रभुदेसाई, उद्योजक दयानंद देसाई, तंटामुक्त समिती अध्यक्ष प्रथमेश पालव यांच्यासह श्रीकांत पाटकर, अभिमन्यू पालव, रामचंद्र कासले, चेतन पाटकर, दीपक मांजरेकर तसेच महिला व ग्रामस्थ मोठ्या संख्येने उपस्थित होते.या उपक्रमाच्या यशस्वीतेसाठी दया देसाई मित्रमंडळाच्या कार्यकर्त्यांनी विशेष मेहनत घेतली.
Subscribe to my channel
