किल्ले सिंधुदुर्गवरील दुर्घटना ; मुलीला हृदयाचा होता आजार
मालवण : शिवजयंती निमित्त येथील सिंधुदुर्ग किल्यावर पर्यटनासाठी आलेल्या अस्मी मनोहर गोविलकर (रा रत्नागिरी) या दहा वर्षीय बालिकेचा दुर्दैवी मृत्यू झाल्याची घटना आज दुपारी ११ वाजण्याच्या सुमारास घडली.
रत्नागिरी येथून विद्यार्थी व पालक यांचा 25 ते 30 जणांचा समूह आज सकाळी शिवजयंती निमित्ताने मालवणच्या किल्ले सिंधुदुर्गवर फिरण्यासाठी आला होता. या ग्रुपमध्ये अस्मी गोविलकर ही शाळकरी मुलगी आपल्या आई समवेत सहभागी झाली होती. सिंधुदुर्ग किल्यावर भर उन्हात फिरत असताना ती चक्कर येऊन जमीनीवर कोसळली. तिला तिच्यासमवेत आलेल्या पालकांनी तात्काळ होडीने मालवणात आणले तिला ग्रामीण रुग्णालयात दाखल केले. मात्र उपचार करण्यापूर्वीच तिचे निधन झाल्याचे वैद्यकीय अधिकाऱ्यांनी सांगितले. अस्मीच्या अकाली मृत्यूमुळे तिची आई मोहिनी गोविलकर यांना धक्काच बसला आहे. अस्मीला लहानपणापासून हृदयाचा आजार होता असे तिच्या आईने वैद्यकीय अधिकाऱ्यांना सांगतले.
Subscribe to my channel
