वडील मधुकर शिरगांवकर यांच्या हस्ते उद्घाटन; युवा उद्योजक संतोष शिरगांवकर यांनी साकारले आलिशान पर्यटनस्थळ
२२ आलिशान रूम, बाथटबसह २ विशेष सूट अन् प्रशस्त बँक्वेट हॉल; आधुनिक सुविधांनी सज्ज रिसॉर्ट पर्यटकांच्या सेवेत
मालवण : समुद्र, निसर्ग आणि पर्यटनासाठी जगभरातील पर्यटकांना आकर्षित करणाऱ्या मालवणच्या पर्यटननगरीत आता आलिशान मुक्कामाचा आणखी एक नवा पर्याय उपलब्ध झाला आहे. मालवण बंदर जेटीजवळ उद्योजक संतोष शिरगांवकर आणि परिवाराने साकारलेल्या ‘शिरगांवकर बीच रिसॉर्ट’चे सोमवारी दिमाखात उद्घाटन करण्यात आले. वडील मधुकर शिरगांवकर यांच्या हस्ते झालेल्या या उद्घाटन सोहळ्याला कुटुंबीय, मित्रपरिवार, मान्यवर आणि हितचिंतकांची मोठी उपस्थिती लाभली.
संतोष शिरगांवकर यांच्या उद्योजकीय वाटचालीतील हा महत्त्वाचा टप्पा ठरला आहे. आजी, आई-वडील आणि संपूर्ण परिवाराच्या कष्ट, त्याग आणि आशीर्वादातून सुरू झालेला हा प्रवास आता एका भव्य वास्तूच्या रूपाने साकारला आहे. ज्या कुटुंबाच्या पाठबळावर हे स्वप्न उभे राहिले, त्याच आई-वडिलांच्या हस्ते वास्तूचा शुभारंभ होणे हा शिरगांवकर परिवारासाठी भावनिक आणि अभिमानाचा क्षण ठरला.
आलिशान वास्तू, आधुनिक सुविधांचा मेळ!
समुद्रकिनाऱ्याच्या निसर्गरम्य वातावरणाचा अनुभव घेत आरामदायी मुक्काम करता यावा, यासाठी रिसॉर्टची रचना करण्यात आली आहे. आकर्षक बाह्यरचना, आलिशान अंतर्गत सजावट आणि आधुनिक सुविधांनी सज्ज असलेली ही वास्तू मालवणमध्ये येणाऱ्या पर्यटकांचे लक्ष वेधून घेत आहे.
‘शिरगांवकर बीच रिसॉर्ट’मध्ये २२ आलिशान रूम आणि बाथटबसह २ विशेष सूट उपलब्ध आहेत. त्यासोबतच दर्जेदार रेस्टॉरंट आणि ४० ते ५० व्यक्तींच्या क्षमतेचा प्रशस्त बँक्वेट हॉल ही या रिसॉर्टची प्रमुख वैशिष्ट्ये आहेत.
पर्यटकांच्या सोयीचा बारकाईने विचार करताना रिसॉर्टमध्ये जनरेटर बॅकअप, वाय-फाय, लिफ्ट आणि प्रशस्त पार्किंग यांसह विविध आधुनिक सुविधा उपलब्ध करून देण्यात आल्या आहेत. त्यामुळे कुटुंबासह पर्यटनासाठी येणाऱ्या पर्यटकांपासून विविध कार्यक्रमांसाठी येणाऱ्या पाहुण्यांपर्यंत सर्वांसाठी हे रिसॉर्ट आकर्षणाचे केंद्र ठरण्याची शक्यता आहे.
मालवणच्या पर्यटनाला मिळणार नवी झळाळी
मालवणला दरवर्षी देशाच्या कानाकोपऱ्यातून तसेच परदेशातूनही मोठ्या संख्येने पर्यटक भेट देतात. पर्यटन वाढत असताना दर्जेदार निवास आणि आधुनिक सुविधांची मागणीही वाढत आहे. हीच गरज ओळखून संतोष शिरगांवकर यांनी ‘शिरगांवकर बीच रिसॉर्ट’ची उभारणी केली आहे. त्यामुळे मालवणच्या पर्यटन व्यवसायाला चालना देणाऱ्या उपक्रमांमध्ये या रिसॉर्टची भर पडली आहे.
उद्घाटन सोहळ्यात शुभेच्छांचा वर्षाव
उद्घाटन सोहळ्यानिमित्त श्री सत्यनारायण पूजेचे आयोजन करण्यात आले होते. यावेळी मित्रपरिवार, मान्यवर, नागरिक आणि हितचिंतकांनी उपस्थित राहून संतोष शिरगांवकर व त्यांच्या परिवाराचे अभिनंदन करत नव्या व्यवसायासाठी शुभेच्छा दिल्या. यावेळी मधुकर शिरगांवकर, मधुमती शिरगांवकर, सुमती शिरगांवकर, हेमंत शिरगांवकर, सुजाता शिरगांवकर, पूजा शिरगांवकर, शुभम शिरगांवकर, वेदांत शिरगांवकर यांच्यासह बाळा खडपे, चेतन पांजरी, दीपक नाईक, पॉल फर्नांडिस, दादा मंडलिक तसेच मित्रपरिवार, मान्यवर आणि नागरिक उपस्थित होते.
Subscribe to my channel
