भाजप नेते निलेश राणेंकडून मालवणात दुर्गादेवींचे दर्शन
निलेश राणेंसारखे खंबीर नेतृत्व आमदार म्हणून लाभूदे : तुळजाभवानी चरणी साकडे
कुणाल मांजरेकर
मालवण : भाजपचे प्रदेश सचिव, माजी खासदार निलेश राणे यांनी शुक्रवारी नवरात्र उत्सवाच्या निमित्ताने मालवण शहरात स्थानापन्न झालेल्या दुर्गादेवींचे तसेच मंदारातील देवींचे दर्शन घेतले. यावेळी कुडाळ- मालवणात निलेश राणेच आमदार म्हणून लाभूदेत असे साकडे वायरी लुडबेवाडा येथील तुळजाभवानी चरणी कार्यकर्त्यांनी घातले.
बांगीवाडा कर्मचारी वसाहत, सार्वजनिक नवरात्र उत्सव भरड तसेच भाजप जिल्हा प्रवक्ते बाबा मोंडकर यांच्या हॉटेल महाराजा येथे नवरात्र उत्सवाच्या निमित्ताने स्थानापन्न झालेल्या देवींसह संतसेना मार्गावरील श्री देवी भैरवी मंदिर, वायरी लुडबेवाडा येथील तुळजाभवानी देवी मंदिर, कुंभारमाठ जरीमरी देवी मंदिर या मंदिरात जाऊन निलेश राणे यांनी देवींचे दर्शन घेतले. यावेळी निलेश राणे यांचा सत्कारही करण्यात आला.
वायरी लुडबेवाडा येथील तुळजाभवानी मंदिरात निलेश राणे यांनी दर्शन घेतले. यावेळी त्याठिकाणी लुडबे यांच्या वतीने देवी चरणी गाऱ्हाणे घालण्यात आले. ‘निलेश राणे यांच्या सारखे खंबीर नेतृत्व कुडाळ मालवण मतदारसंघात आम्हाला आमदार म्हणून लाभूदे’. असे गाऱ्हाणे घालण्यात आले. याठिकाणी नगरसेवक आप्पा लुडबे व कांता लुडबे यांच्या वतीने निलेश राणे यांचा सत्कारही करण्यात आला.
यावेळी भाजप तालुकाध्यक्ष धोंडी चिंदरकर, नगरसेवक दीपक पाटकर, नगरसेवक आप्पा लुडबे, नगरसेवक जगदीश गावकर, विनय गावकर, उद्योग व्यापार आघाडी जिल्हाध्यक्ष विजय केनवडेकर, युवमोर्चा जिल्हा सरचिटणीस बाबा परब, मोहन वराडकर, राजू बिडये, मंदार लुडबे, हरीश गावकर, अभय कदम, नारायण लुडबे, कांता लुडबे, निलेश लुडबे, अखिलेश जाधव, सागर जाधव, चिंदर उपसरपंच दीपक सुर्वे आदी उपस्थित होते.
