अंत्ययात्रेत सहभागी होत वाहिली श्रद्धांजली; पालव कुटुंबीयांना दिला धीर
कुडाळ : कुडाळ तालुक्यातील वर्दे येथील महाविद्यालयीन युवती दामिनी किरण पालव हिची धारदार शस्त्राने वार करून निर्घृण हत्या करण्यात आल्याच्या घटनेने संपूर्ण परिसरात शोककळा पसरली आहे. या दुर्दैवी घटनेमुळे पालव कुटुंबीयांवर दुःखाचा डोंगर कोसळला असून, गावात हळहळ व्यक्त केली जात आहे.
दामिनीवर रविवारी शोकाकुल वातावरणात अंत्यसंस्कार करण्यात आले. यावेळी कुडाळ-मालवणचे माजी आमदार वैभव नाईक यांनी अंत्ययात्रेत सहभागी होत दामिनीच्या पार्थिवाचे दर्शन घेत श्रद्धांजली अर्पण केली. त्यानंतर त्यांनी पालव कुटुंबीयांच्या घरी भेट देऊन कुटुंबीयांचे सांत्वन केले.
या कठीण प्रसंगी कुटुंबीयांना धीर देण्याचा प्रयत्न करत त्यांनी दुःखात सहभागी असल्याची भावना व्यक्त केली. या प्रसंगी शिवसेनेचे पप्पू पालव, संदीप सावंत तसेच ग्रामस्थ उपस्थित होते.
Subscribe to my channel
