संतापजनक ! नारायण राणेंना पोलिसांकडून अपमानास्पद वागणूक !
जेवणाच्या ताटावरून उचलले : राणेंच्या जीवाला धोका
आमदार प्रसाद लाड यांच्या आरोपांमुळे खळबळ ; व्हिडिओ सादर
रत्नागिरी : केंद्रीय मंत्री नारायण राणे यांना रत्नागिरी पोलीसांकडून अपमानास्पद वागणूक मिळाल्याचा संतापजनक आरोप भाजपाचे आमदार प्रसाद लाड यांनी केला आहे. संगमेश्वर मध्ये पोलिसांनी जेवणाच्या ताटावरून राणेंना उचलून नेल्याचा आरोप करतानाच याबाबतचा व्हिडिओ प्रसाद लाड यांनी सादर केला आहे. रत्नागिरीमध्ये राणेंच्या जीवाला धोका असल्याचा आरोपही त्यांनी केला आहे. एका ज्येष्ठ मंत्र्यांसोबत पोलिसांनी केलेल्या या कृत्याचा निषेध करण्यात येत आहे.
आमदार प्रसाद लाड यांनी पत्रकारांशी बोलताना पोलिसांवर धक्कादायक आरोप केले आहेत. संगमेश्वर मध्ये नारायण राणे असताना पोलिसांनी त्यांना जेवणाच्या ताटावरून उचलले असून त्याचा व्हिडिओ प्रसाद लाड यांनी सादर केला. राणेसाहेब ज्येष्ठ मंत्री आहेत. त्यांना शुगर आणि बीपीचा त्रास असूनही त्यांना जेवणावरून उठवले असून पोलिसांकडून राणेंच्या घातपाताचा प्लॅन आखण्यात आल्याचा धक्कादायक आरोप त्यांनी केला आहे. राणेंना अटक करताना कोणत्याही प्रकारची माहिती देण्यात आलेली नाही,असेही ते म्हणाले.
