… अन् धोका टळला ; अमेय देसाई आणि सहकाऱ्यांचा पुढाकार !
मालवण : तौक्ते वादळापासून धोकादायक स्थितीत बाजारपेठेत उभ्या असलेल्या वीजेचा खांबा वरील धोकादायक विद्युत वाहिन्या येथील सामाजिक कार्यकर्ते अमेय देसाई आणि सहकाऱ्यांच्या सातत्यपूर्ण पाठपुराव्यामुळे महावितरण कडून बदलण्यात आल्या आहेत.
तौक्ते वादळामध्ये बाजारपेठेतील पोल नंबर बी – 5 वर माड पडून येथील सर्व्हिस वायर पूर्णपणे तुटल्या होत्या. त्या तात्पुरत्या स्वरूपात जोडून येथील वीज पुरवठा सुरू करण्यात आला. मात्र या वीज वाहिन्या खाली येऊन ट्रक आणि इतर गाड्यांना लागून तुटत होत्या. त्यामुळे येथे कोणत्याही क्षणी अनर्थ घडू शकला असता. या प्रलंबित राहिलेल्या कामाबद्दल अमेय देसाई यांच्या सह नागरिकांनी महावितरणला निवेदन देऊन सदर काम पूर्ण करून घेतले आहे. हे काम पूर्ण करून घेण्यासाठी एकता मित्रमंडळाचे अमेय देसाई, किरण वाळके, तुषार मेस्त्री, केदार देसाई, ललित मेस्त्री, गुरुनाथ नाईक , विद्याधर मेस्त्री, हितेंद्र हिर्लोस्कर, संजय माशेलकर आदी कार्यकर्त्यांनी विशेष परिश्रम घेतले. महावितरणचे वायरमन अशोक गोलतकर आणि कृष्णा परब यांनी सदरील कामाची पूर्तता करून दिली. यासाठी माजी नगराध्यक्ष महेश कांदळगावकर आणि नगरसेवक यतीन खोत यांचेही विशेष सहकार्य लाभले.
