केदार झाड मित्रमंडळाच्या पारंपरिक स्पर्धेला उत्स्फूर्त प्रतिसाद; चुरशीच्या लढतींनी रंगली संपूर्ण स्पर्धा
मालवण : वायरी भूतनाथ मंदिर परिसरात नारळांच्या लढतीचा थरार अनुभवायला मिळाला. केदार झाड मित्रमंडळाच्या वतीने आयोजित करण्यात आलेल्या पारंपरिक ‘नारळ लढविणे’ स्पर्धेला नागरिक आणि क्रीडाप्रेमींचा उत्स्फूर्त प्रतिसाद लाभला. १९ ऑगस्ट रोजी दिवसभर रंगलेल्या अटीतटीच्या सामन्यांमध्ये कोचरा येथील निलेश घाडी यांनी दमदार कामगिरी करत प्रथम क्रमांक पटकावला.स्पर्धेच्या प्रत्येक फेरीत वाढत गेलेली चुरस आणि उपस्थितांचा उत्साह यामुळे वायरी भूतनाथ मंदिर परिसरात अक्षरशः जत्रेचे वातावरण निर्माण झाले होते. पारंपरिक खेळाची ही रंगत अनुभवण्यासाठी नागरिकांनी मोठी गर्दी केली होती.
स्पर्धेचे उद्घाटन दाजी सावजी, देवानंद लोकेगावकर, श्याम झाड, केदार झाड, मिलिंद झाड आणि संदीप बोडवे यांच्या प्रमुख उपस्थितीत झाले. दिवसभर सुरू असलेल्या लढतीनंतर विजेत्यांचा मान्यवरांच्या हस्ते गौरव करण्यात आला.
स्पर्धेतील विजेते पुढीलप्रमाणे
प्रथम क्रमांक : निलेश घाडी (कोचरा) — ११,१११ रुपये व चषकद्वितीय क्रमांक : निलेश परब (कातवड) — ७,७७७ रुपये व चषकतृतीय क्रमांक : आकाश तळगावकर (वायरी) — १,००० रुपयेचतुर्थ क्रमांक : हर्षद तळवडेकर (वायरी) — १,००० रुपये
स्पर्धेचे पंच म्हणून प्रसन्न तळवडेकर, भूषण आचरेकर, अमित झाड आणि मुकेश आचरेकर यांनी जबाबदारी पार पाडली. नाना नाईक आणि सुशील मोर्ये यांनी आपल्या समालोचनातून स्पर्धेतील रंगत आणखी वाढवली.
यावेळी किसन मांजरेकर, विश्वास गावकर यांच्यासह यतीन मालवणकर, दीपक ढोलम, लीलाधर झाड, मोहित झाड, समीर पाटकर, विकी फर्नांडिस, अनिल झाड, आनंद हडकर, संकेत वस्त, मंदार झाड, सिद्धेश केळुसकर, हर्षद हळदणकर, प्रथमेश पुरळकर, भूषण गरगटे, अनिश तळगावकर, सुशांत सुर्वे, रोहित चव्हाण, संदेश झाड आदींसह नागरिक व क्रीडाप्रेमी मोठ्या संख्येने उपस्थित होते..
परंपरेचा वारसा जपत मनोरंजनाची मेजवानी देणाऱ्या या स्पर्धेमुळे वायरीत उत्साहाचे वातावरण निर्माण झाले. केदार झाड मित्रमंडळाच्या या उपक्रमाचे उपस्थितांनी कौतुक केले.
Subscribe to my channel
