वैयक्तिक स्वरूपात केली मदत ; शासकीय मदत देखील मिळवून देण्याची ग्वाही
कुडाळ : कुडाळ तालुक्यातील माणगाव खोऱ्यातील निवजे गावाला शक्तिशाली चक्रीवादळाचा तडाखा बसला. यात काही घरांचे मोठे नुकसान झाले. या नुकसानाची माहिती मिळताच आमदार निलेश राणे यांनी घटनास्थळी जाऊन पंचनामे करण्याचे आदेश दिले होते. त्यानंतर बुधवारी निलेश राणे यांनी स्वतः निवजे गावात जाऊन नुकसानग्रस्त भागाची पहाणी करत नुकसानग्रस्तांना वैयक्तिकरित्या आर्थिक मदत सुपूर्द केली. यात संदीप दशरथ नामनाईक, प्रसाद पांडुरंग नामनाईक, प्रदीप गंगाराम राऊळ, कृष्णा रामचंद्र सावंत आदी नुकसानग्रस्त ग्रामस्थांचा समावेश आहे.
यावेळी माजी जि.प. अध्यक्ष संजय पडते, माजी सभापती नूतन आईर, शिवसेना उपजिल्हाप्रमुख आनंद शिरवलकर, शिवसेना विभागप्रमुख नागेश आईर, विजय जाधव यांच्यासह निवजे गावातील शिवसैनिक व ग्रामस्थ उपस्थित होते. या नुकसानग्रस्तांना महाराष्ट्र सरकारकडून जी मदत करता येईल ती निश्चितपणे केली जाईल, असे आश्वासन आमदार निलेश राणे यांनी दिले आहे.
Subscribe to my channel
