भाजप माजी नगरसेवक गणेश कुशे यांच्या प्रयत्नातून निधी ; सुदेश आचरेकर, विजय केनवडेकर यांचाही पाठपुरावा
मालवण : शहरातील मेढा मौनीनाथ मंदिर ते राजकोट किल्ला आणि राजकोट चांभारकोंड ते राॅक गार्डन हे दोन्ही रस्ते सोलर स्ट्रीटलाईटने उजळणार आहेत. माजी नगरसेवक गणेश कुशे यांच्या मागणीनुसार भाजपच्या माध्यमातून पालकमंत्री नितेश राणे, भाजप जिल्हाध्यक्ष प्रभाकर सावंत, शहर अध्यक्ष बाबा मोंडकर यांनी जिल्हा नियोजन मधून सदर कामास निधी मंजूर करून दिल्याबद्दल गणेश कुशे यांनी मानले आभार मानले आहेत. या कामासाठी माजी नगराध्यक्ष सुदेश आचरेकर, भाजपचे जिल्हा उपाध्यक्ष विजय केनवडेकर यांनीही पाठपुरावा केला.
या भागातील स्ट्रीटलाईट वारंवार बंद पडते. त्यावर उपाययोजना करण्याची मागणी स्थानिक नागरिकांनी माजी नगरसेवक गणेश कुशे यांच्याकडे केली होती, त्यानुसार त्यांनी त्यासाठी प्रयत्न केले होते. पुढील टप्प्यात राजकोट ते जयगणेश मंदिर ते कचेरी या टप्प्यातील कामाला सुद्धा मंजुरी आणणार असल्याचे गणेश कुशे यांनी सांगितले.
Subscribe to my channel
