जागतिक कॅन्सर मुक्ती दिनानिमित्त मालवणात जनजागृती : सदस्यांची कॅन्सरविरोधी प्रतिज्ञा
मालवण : जागतिक कॅन्सर मुक्ती दिनानिमित्त लायन्स क्लब ऑफ मालवणने कॅन्सरविरोधात जनजागृतीचा ठोस संदेश दिला. कॅन्सरपासून बचाव, आरोग्याची काळजी, वेळेवर तपासणी आणि जनजागृतीचे महत्त्व अधोरेखित करणारे जनजागृतीपर सरक्युलर प्रकाशित करण्यात आले.
कॅन्सरवर मात शक्य आहे. फक्त जागरूकता हवी. लायन्स क्लबच्या माध्यमातून सातत्याने जनजागृतीपर उपक्रम राबविण्याचा संकल्प यावेळी करण्यात आला. तसेच “कॅन्सरमुक्त समाजासाठी आम्ही लायन्स सदस्य सदैव कार्यरत राहू आणि कॅन्सरविषयी जनजागृती वाढविण्यासाठी प्रयत्न करू,” अशी प्रतिज्ञा यावेळी लायन्स क्लबच्या सदस्यांनी घेतली.
यावेळी लायन्स क्लब ऑफ मालवणचे अध्यक्ष सहदेव बापर्डेकर, उपाध्यक्ष मनाली दळवी, खजिनदार राधिका मोंडकर, गणेश प्रभुलकर, महेश अंधारी, रुजरीओ पिंटो, मुकेश बावकर, राजा शंकदास, जयश्री हडकर, शांति पटेल, उमेश शिरोडकर, सचिन शरबिद्रे, मीना घुर्ये, रूपा कांदळगावकर आदी सदस्य उपस्थित होते.
Subscribe to my channel
