पालकमंत्री नितेश राणेंच्या उपस्थितीत मंत्रालयात आयोजित बैठकीत प्रस्ताव सादर
मुंबई : सिंधुदुर्ग जिल्ह्यातील पर्यटन आणि वाहतूक सुविधांच्या विकासाच्या दृष्टीने मंत्रालयात मत्स्य व्यवसाय आणि बंदरे विकास मंत्री नितेश राणे यांच्या दालनात बुधवारी झालेल्या बैठकीत सिंधुदुर्ग ते गोवा दरम्यानची वाहतूक व्यवस्था अधिक सुलभ, जलद आणि पर्यटकांसाठी सोयीस्कर करण्यासाठी विविध पर्यायांवर सविस्तर चर्चा करण्यात आली. विशेषतः सिंधुदुर्गातील चिपी विमानतळापासून अवघ्या ५ किलोमीटर अंतरावर असलेल्या जेट्टीपासून थेट गोव्यातील जेट्टीपर्यंत जलवाहतूक सेवा सुरू करण्याचा महत्त्वपूर्ण प्रस्ताव या बैठकीत सादर करण्यात आला.
या बैठकीत Continental Interlink Pvt. Ltd. आणि Goa (Joey’s) Car Rental या कंपन्यांनी सादरीकरण केले. चिपी ते गोवा जलवाहतूक प्रकल्प साकार झाल्यास सिंधुदुर्ग आणि गोवा या दोन प्रमुख पर्यटनस्थळांमधील संपर्क अधिक वेगवान आणि सुलभ होईल. रस्ते वाहतुकीवरील ताण कमी होण्याबरोबरच प्रवाशांचा वेळ वाचेल आणि पर्यटकांना पर्यायी, आधुनिक व आकर्षक प्रवासाचा पर्याय उपलब्ध होईल. यामुळे पर्यटन क्षेत्राला चालना मिळण्यासोबतच स्थानिक रोजगार निर्मिती आणि अर्थव्यवस्थेलाही मोठा लाभ होणार आहे.
या बैठकीस सिंधुदुर्ग जिल्हाधिकारी श्रीमती तृप्ती धोडमिसे, सिंधुदुर्ग जिल्हा परिषदेचे मुख्य कार्यकारी अधिकारी रवींद्र खेबुडकर, कुलदीप सिंग मुख्य संचालक चिपी विमानतळ, Continental Interlink Pvt. Ltd. चे विकास राजपूत व सतीश येरूंका तसेच Goa (Joey’s) Car Rental चे नाथन वेगास उपस्थित होते.
Subscribe to my channel
