बाळासाहेबांचं स्वप्न भाजपाने केलं पूर्ण ; निलेश राणेंचं ट्विट

कुणाल मांजरेकर

सिंधुदुर्ग : राज्यात घडलेल्या नाट्यमय घडामोडीत भाजप नेतृत्वाने शिवसेनेचे बंडखोर नेते एकनाथ शिंदे यांच्या गळ्यात मुख्यमंत्री पदाची माळ घातली आहे. या पार्श्वभूमीवर भाजपचे प्रदेश सचिव, माजी खासदार निलेश राणे यांनी ट्विट केले आहे. “बाळासाहेबांचे स्वप्न भाजपाने केले पूर्ण” असं निलेश राणे यांनी ट्विट मध्ये म्हटले आहे.

उद्धव ठाकरे मुख्यमंत्री पदावरून पायउतार झाल्यानंतर देवेंद्र फडणवीस हे मुख्यमंत्री बनतील, अशी अपेक्षा व्यक्त केली जात होती. मात्र भाजपा नेतृत्वाने एकनाथ शिंदे यांच्या गळ्यात मुख्यमंत्री पदाची माळ घालून सर्वांनाच धक्का दिला आहे. शिवसेनाप्रमुख बाळासाहेब ठाकरे यांनी शिवसैनिकाला मुख्यमंत्री बनवण्याचे स्वप्न पाहिले होते. हेच स्वप्न भाजपने पूर्ण केले,असे निलेश राणे यांनी म्हटले आहे.