शिवसेनेचा उद्या मालवणात मेळावा ; निलेश राणेंची उपस्थिती
शिवसेना उपनेते संजय आग्रे, जिल्हाप्रमुख दत्ता सामंत, उपजिल्हाप्रमुख राजा गावडे, विधानसभा समन्वयक महेश कांदळगावकर यांच्या सत्कार समारंभाचे आयोजन
मालवण | कुणाल मांजरेकर
मालवण तालुका शिवसेनेचा मेळावा बुधवारी ३० ऑक्टोबर रोजी सकाळी १० वाजता जानकी मंगल कार्यालय कुंभारमाठ येथे आयोजित करण्यात आला आहे. या मेळाव्याला कुडाळ मालवण विधानसभा मतदार संघाचे उमेदवार निलेश राणे यांची प्रमुख उपस्थिती राहणार आहे. या मेळाव्यात शिवसेना उपनेते संजय आग्रे, जिल्हाप्रमुख दत्ता सामंत, उपजिल्हाप्रमुख राजा गावडे, कुडाळ कणकवली विधानसभा समन्वयक महेश कांदळगावकर यांच्या सत्कार समारंभाचे आयोजन करण्यात आले आहे. तरी शिवसेनेच्या सर्व पदाधिकारी, कार्यकर्त्यांनी यावेळी उपस्थित राहावे असे आवाहन शिवसेना तालुकाप्रमुख राजा गावकर, महेश राणे यांनी केले आहे.
