कुडाळ मालवण मधील ऐतिहासिक विजयानंतर निलेश राणेंनी मानले आभार
मतदारांनी दाखवलेला विश्वास नक्कीच सार्थ ठरवणार असल्याची दिली ग्वाही
मालवण : कुडाळ मालवण मतदार संघातील प्रतिष्ठेच्या लढतीत शिवसेना भाजपा महायुतीचे उमेदवार निलेश राणे यांनी विजय मिळवला आहे. या विजयानंतर आ. राणे यांनी ट्विट करत मतदारांचे आभार व्यक्त केले आहेत. माझ्यावर आणि माझ्या पक्षावर विश्वास ठेवत कुडाळ मालवणच्या मतदारांनी मला ऐतिहासिक विजय मिळवून दिला याबद्दल त्यांचे मनापासून आभार. मतदारांनी दाखवलेला विश्वास मी नक्कीच सार्थ ठरवेन. महाराष्ट्रात महायुतीने ऐतिहासिक विजय मिळवला. त्याबद्दल मुख्यमंत्री एकनाथ शिंदे साहेब, उपमुख्यमंत्री देवेंद्र फडणवीस साहेब, अजित पवार साहेब, खासदार नारायणराव राणे साहेब, रवी चव्हाण साहेब तसेच महायुतीचे कार्यकर्ते पदाधिकारी यांचे अभिनंदन आणि आभार.असे ट्विट निलेश राणे यांनी केले आहे.
