असरोंडी हायस्कूलला २००९- १० दहावी माजी विद्यार्थ्यांकडून पोर्टेबल साउंड सिस्टीम भेट
मालवण | कुणाल मांजरेकर
असरोंडी पंचक्रोशी शिक्षण प्रसारक मंडळ, असरोंडी संचलित माध्यमिक विद्यामंदिर असरोंडीच्या दहावी २००९-१० बॅचच्या माजी विद्यार्थ्यांनी ज्ञानप्राप्त केलेल्या शाळेप्रती आपली कृतज्ञता व्यक्त करत २० हजार रुपये किंमतीची पोर्टेबल साऊंड सिस्टीम यंत्रणा प्रशालेला प्रदान केली. ही यंत्रणा शाळेच्या सहशालेय कार्यक्रमासाठी उपयुक्त ठरणार आहे.
या यंत्रणेसाठी निधी जमा करुन शाळेला गुरुदक्षिणा दिल्याबद्दल या माजी विद्यार्थ्यांचे संस्थाध्यक्ष विजय सावंत, सचिव प्रकाश सावंत, सर्व संचालक मंडळ, मुख्याध्यापक सुशांत पाटील, शिक्षक आणि शिक्षकेतर कर्मचारी व विद्यार्थी यांनी त्यांचे आभार मानले.
